Melai Cantiveros ug ang iyang pamilya | Bandera
Nibilib ang madlang pipol sa TV host-comedienne nga si Melai Cantiveros sa iyang gisulti kabahin sa baby No. 3.
Sa iyang interview ni MJ Felipe sa ABS-CBN News, gisukitsukit siya kung wish ba niya nga magkababy No. 3 sa asawang si Jason Francisco.
Sa una nipasiaw lang si Melai nga magkababy sila og lalaki nga anak nga iyang ipanganak karong Abril para matawag kuno nila nga “April Boy.”
Apan human niini kay nagseryoso na siya sa iyang tubag sa pagkababy sa ikatulo nga anak.
Basin Bet Pod Ni Nimo:
Melai Cantiveros laughtrip sa AAA 2023: ‘I feel like I am the first honor!’
Melai ug Jason nipalag sa komento nga gipatrabaho na nila ang ilang anak
Niingon si Melai nga di lang silang managtiayon ang kinahanglan modesisyon kabahin sa kini nga topic kung di apil pod ang mga anak sa ilang pagdesisyon.
“Hindi lang kami ang magdedesisyon. Magdedesisyon din ang magkapatid. Kung gusto na, gagawin na namin ni Papa mo,” matud pa sa Kapamilya star.
Niangkon si Melai nga di pa daw gusto sa ilang kinamanghuran nga anak nga si Stela nga magkalittle brother o sister.
“Pero kung di mo pa gusto, part ka rin ng family dapat isa ka rin sa magde-decide, ayaw pa ni Stela,” matud pa niya.
Daghan pod ang nidayeg sa pamaagi nga parenting style nila ni Melai ug ni Jason.
“Tama yan. Involved and kids sa decision making, I-consider ang feelings nila. Very Good Mamshie,” niingon pod ang usa ka netizen.
Comment naman sa usa pa, “Galing! So far, si Melai pa lang ang nabalitaan kong ganito kahusay mag-isip pagdating sa pamilya.”
“Tama yan momshie mels. Hoping na baby boy na ang 3rd baby mo pag okay na kay Stela,” sey pod usa pa.