PHOTO: Screengrab from ’24 Oras’, Instagram/@cianne.dominguez
Mipasaka og reklamo nga attempted sexual assault ang “It’s Showtime” co-host nga si Cianne Dominguez batok sa usa ka 25-anyos nga lalaki nga misuway kuno sa pagsulod sa iyang apartment sa Quezon City niadtong Huwebes sa gabie, Abril 12.
Ang giingon nga lalaki giila sa kapulisan nga si Shervey Torno, usa ka model ug gay bar dancer.
Matud pa ni Cianne nga gisundan siya ni Shervey pauli sa iyang apartment.
READ: ‘It’s Showtime’ hosts bond in Hong Kong amid 12-day suspension
Nitoktok kuno si Shervey sa pultahan ug sa dihang iyang giabilihan, nangayo kini sa iyang Facebook page og kalit nga migunit sa iyang hawak og nangayo og kiss.
Sa iyang kakuyaw, gitukmod ni Cianne ang lalaki og nagpakitabang siya sa gwardiya nga naka duty sa lobby sa iyang apartment nga mao na ang midakop niini.
READ: BF ni Cianne Dominguez nagbanta sa gay bar dancer: ‘An eye for an eye’
Miingon si Quezon City police chief Brig. Gen. Redrico Maranan nga gidala si Shervey sa Kamuning Police Station 10 diin kini gibalhog sa prisohan.
Sa iyang interview sa “24 Oras”, miingon si Shervey nga gi-gwapahan kaayo siya kang Cianne mao nga iya kini nga gisundan ug nangayo siya og kiss.
Matud niya, “Sinundan ko siya. Hiningi ko ‘yung pangalan. Sinabi ko na pa-kiss ako, tapos bandang huli sinabi dito sa pulis na hinawakan ko daw balakang n’ya, eh hindi naman po totoo.”
“Tsaka po pinasok ko raw siya sa unit niya sa condo, eh, di totoo iyon,” dugang ni Shervey.
“Kaya ko tinulak nang konti ‘yung pinto kasi inipit niya yung paa ko.”
Human sa iyang nabuhat, nangayo si Shervey og pasaylo kang Cianne. Apan gidayon gihapon sa dalaga nga pagpasaka og kaso nga attempted sexual assault batok niya.