Rendon Labador (tuo) ug Rosmar Tan
Gusto nga mapahamtangan og silot nga “persona non grata” sa Coron, Palawan ang mga social media personality nga si Rendon Labador ug Rosmar Tan Pamulaklakin.
Matud pa sa usa ka miyembro sa Sangguniang Bayan sa Coron, Palawan, nga naghimo daw sila og resolusyon para madeklara nga “persona non grata” sila si Rendon ug Rosmar sa ilang probinsiya.
Basin Bet Pod Ni Nimo:
Rosmar Tan ‘pinakamalakas’ maging ninang, nagregalo ng kalahating milyon sa bagong kasal
Rendon Labador gihatagan og buwak para sa patay si Boss Toyo
Kini kalabot sa nahitabo nga charity event sa maong lugar nga gipangunahan sa duha nga nahisgotan nga personalidad isip parte sa “Team Malakas.”
Naglagot man god sila si Rendon ug Rosmar sa ilang nabasa nga rant sa usa ka Jho Cayabyab Trinidad diin gipasanginlan sila nga nigamit sa mga tagadidto para lang makakuha og views sa ilang mga social media accounts.
Gireklamo pod ni Jho sa iyang Facebook post ang grupo nila ni Rendon tungod wa man lang kuno sila nihatag og ayuda sa ilang mga kauban nga nitabang ug niassist sa maong event.
Tungod niini, giatubang kuno nila ni Rendon ug Rosmar si Jho nga usa diay kuno ka staff sa munisipyo, sa mismong opisina sa Coron Mayor nga si Marjo Reyes.
Sa usa ka video masud-ong nato nga gisingitan ug gitudlo-tudlo ni Rendon ang babae nga staff nga kalma lang samtang nahitabo ang insidente.
Sa katapusan, napugos pa gihapon og pangayo og pasaylo si Jho sa duha ka social media personality nga makit-an pod nato sa video.
Basin Bet Pod Ni Nimo:
Rendon, Rosmar papatawan ng ‘persona non grata’ sa Coron, Palawan
Sunod niini, duna pod mabasahan sa Facebook sa usa ka ginganlan og John Patrick Reyes, usa sa mga miyembro sa municipal council sa Coron, ang usa ka resolusyon kabahin sa deklarasyon nga “persona non grata” sila Rendon ug Rosmar tungod sa nahitabo.
“RESOLVED, as it is hereby RESOLVED, to declare Rendon Labador, Rosemarie Tan Pamulaklakin a.k.a. Rosmar and Marki Tan as persona non-grata in the Municipality of Coron, Palawan for their disrespectful behavior, negative publicity, incitement to conflict, and violation of Republic Act No. 10951, also known as the ‘Property and Damage Penalty Adjustment Act’; Article 153 of the Revised Penal Code; and Republic Act No. 11313, also known as the ‘Safe Spaces Act (Bawal Bastos Law).’”
“Coronians, eto na po ang resolution na ihahain sa next regular session declaring ‘Rosmar’ and Rendon Labador persona non-grata in the municipality of Coron,” matud pa sa municipal council member.
Nihatag pod kini og mensahe ngadto sa iyang kababayan nga gisingitan nila ni Rendon, “Jho Cayabyab Trinidad I suggest mag reklamo sa sa appropriate venues/agencies against these people.
“I would like to strongly recommend to my fellow legislators, VM Ashian and Mayor Marjo; that we provide Ms. Jho Cayabyab Trinidad with whatever assistance she needs should she decide to file appropriate charges against Labador and ‘Rosmar,’” matud pa niya.
Samtang, sa usa niya nga FB post, gisulti ni Mayor Reyes nga gipaimbestigahan na sa Mayor’s Office sa Coron ang maong insidente.
“Binigyang-diin ng Punong Bayan na hindi siya nasiyahan sa naganap na insidente sa kanyang opisina lalo na’t wala siya sa lugar ng mga oras na iyon.
“Inatasan niya ang nasabing departamento na ikalap ang lahat ng mga dokumento, opisyal na mga reklamo at mga viral videos para sa mga susunod na hakbangin at aksyon na gagawin,” matud pa sa parte sa official statement gikan sa opisina sa mayor.
Abli ang pultahan sa Bandera diin nakuha nga balita sa mga pagpatin-aw nila ni Rendon ug Rosmar kabahin sa maong kontrobersiya.