Robin Padilla ug si Kathryn Bernardo | image gikan sa Instagram/@robinhoodpadilla, @pvfotographs via @bernardokath
Si Robin Padilla nagatoo nga makauli ra gihapon sila si Kathryn Bernardo ug si Daniel Padilla ug nisuporta siya gihapon nga si Kathryn ang mahimong endgame ni Daniel.
“Magkakabalikan ‘yon,” matud pa ni Robin sa kanhi manag-uyab. “‘Pag gumawa ng pelikula ‘yon, magkakabalikan ‘yon.”
Basaha Pod Ni Ninyo:
Daniel Padilla says ‘sana all’ to couples in Davao concert
“Sa tagal natin sa industriya, alam naman nating lahat na ang mga ganyang partnership, love team ay dadaan talaga sa prosesong ganyan kasi nagma-mature sila e,” matud pa ni Robin.
Kini ang usa sa mga gihisgotan sa actor-turned-senator sa dihang gipangutana siya kabahin sa panagbuwag ni Kathryn ug ni Daniel.
Didto gipangutana si Robin niini sa Hunyo 26 nga media conference niya para sa Gringo Honasan biopic, diin siya ang modala nga aktor o mohatag og kinabuhi sa pelikula sa retired nga sundalo ug politico.
Niingon pod si Robin nga siya ug ang Padilla clan nirespetar gihapon ni Kathryn Bernardo bisan pa sa panagbuwag niya ni Daniel Padilla ug niingon ang senador nga si Kathryn ang nihatag og break sa aktor sa show business.
Nipasiaw pa gyod siya og sulti nga ang iyang boto anha lang gihapon sa aktres bisan pa nga wa kuno nibota sa senator si Kathryn niadtong niagi nga piniliay.
Nipaambit pa siya og tambag para ni Kathryn ug Daniel, niingon si Robin nga, “Ngayon habang magkahiwalay kayong dalawa ay mag-enjoy din kayo sa mga sarili niyo. Habang nag-eenjoy kayo, do’n niyo malalaman na mahal niyo ang isa’t isa.”
Niingon pod si Robin nga bisan pa nga dili mohisgot si Daniel didto niya kabahin sa maong mga butang, ang batan-on nga aktor nipadayag sa iyang mga emosyon pinaagi sa iyang pagawit.
“[Nanghinayang ako]. Alam naman natin lahat na—alam lahat ng Padilla na malaki ang aming pagbigay pugay kay Kathryn kasi siya rin naman ang nagbigay ng break kay Daniel,” matud pa ni Robin.
“Alam naman namin lahat ‘yon kaya ang paggalang namin kay Kathryn ay sobra-sobra,” niingon pa gyod ang senador.
Si Kathryn ug si Daniel nicompirmar sa ilang panagbuwag sa publiko niadtong Nobyembre 2023 human ang 11 ka tuig nga panaguyab.