PHOTO: Facebook/Luis Chavit Singson
Di na ipadayon sa 83 anyos nga politiko nga si Chavit Singson ang iyang pagdagan pagkasenador sa nagkaduol na nga midterm elections.
Gipahibawo ni sa senatoriable sa usa ka diskurso nga gibandera sa iyang Facebook Livestream.
Matud pa niya, kini tungod sa iyang kahimtang sa panglawas niya nga posible nga mograbe kung di siya mopahuway.
“Mga kaibigan, mahalaga ng maayos ang kalusugan para magpatuloy ako sa pagtulong at magbigay ng saya sa inyong lahat,” sey pa niya.
Matud pa ni Chavit, “Matapos ang mahabang pag-iisip, ang desisyon ko po, hindi na po ako tutuloy sa aking kandidatura sa Senado.”
Basin Bet Pod Ni Nimo:
Chavit kay Carlos: Kausapin mo pamilya mo, ‘wag mo na silang pahirapan
Chavit umatras na sa pagtakbo sa senador: ‘Maaaring magdusa kalusugan ko’
Chavit visits Cebu, receives warm welcome from local officials
Nipasabot pa ang maong politiko nga, “Hindi po biro ang kampanya, lalo na ang trabaho ang isang senador, kung talagang magtatrabaho. Ayaw kong ipilit. Ang aking kalusugan ay maaring magdusa.”
Gibutyag pa niya nga na-confine siya sa hospital sa di pa lang dugay nga higayon tungod sa pneumonia.
Bag-o lang kuno siya naayo gikan sa sakit, apan gitambagan kuno siya sa iyang doktor nga taas taas nga panahon nga pagpahuway ang gikinahanglan niya.
“Kaya minabuti kong unahin ko muna ang aking pagpapalakas, upang mas lalo pa akong makatulong at makapaglingkod sa inyong lahat,” matud pa niya sa speech niya.
Niingon pa siya nga, “Ramdam ko po ang inyong pagmamahal sa akin at inyong patuloy na paniniwala sa akin, ang overwhelming na suporta. Alam ko sa puso ko, panalo na ako.”
Dunay mga proyekto nga gisaad nga buhaton ni Chavit samtang siyay nangamgpanya — usa na niini ang iyang Jeepney Modernization Program.
Sa maong programa kay pwede makakuha ang mga driver og e-jeepney nga way collateral, way downpayment ug way interest. Usa kini nga dako mga makatabang sa mga trabahante nga mga Pilipino.
Ang usa pa kay ang “Banko ng Masa” diin ang iyang tumong kay maghatag og financial access sa matag usa ka Pilipino.
Kini pod kay makahatag og pag-asa nga maabot sa atong mga kababayan ang financial inclusion, bisan pa naa siya sa layo kaayo nga suok sa atong nasud.
Apan ang nakakuha og atensyon sa mga gisaad nga mga proyekto nga iyang buhaton kung siyay mapili isip senador kay ang gitawag niya nga “Chavit 500.” Usa kini nga Universal Basic Income Program nga mohatag og P500 kada buwan sa mga Pilipino nga minimum wage earner o kadtong mas ubos og income, sugod sa edad nga 18 anyos pataas.