Usahay makalingaw ang mga komentaryo sa mga tao kabahin sa ilang nakit-ang sine. Dihang nitan-aw ang akong higala nga si Janrax niadto sa hip-hop nga Romeo and Juliet (starring Leonardo de Caprio and Claire Danes) may nadunggan siyang komentaryo sa mga kolehiyala sa iyang atubangan diin ang usa kanila miingon og – “manhid kaayo si Shakespeare, duh.”
Niadtong miaging semana may mga estudyante nga mitan-aw sa pelikulang Heneral Luna ni Director Jerold Tarog. Paghuman sa salida ilang gitapuk-an si Jeffrey “Epi” Quizon nga maoy nidala sa papel sa sublime paralytic sa Philippine Revolution. Gipangutana nila ang aktor kon nganong wa man siya laing gibuhat sa maong pilikula gawas sa paglingkud.
Nakurat ang aktor sa maong pangutana. Wa niya ka pugni ang pagpangutanag balik kon unsa na man diay gipangtudlo sa mga eskwelahan karon. Unsa naman diay ang mga leksyon sa Philippine
History nga kining maong mga estudyante wala man masayud nga ang gitawag og “Brains of the Revolution” nga si Mabini usa man ka paralitiko kay nadaut man sa polio ang iyang mga paa.
Bisan si P-Noy nakurat niani ug nga iyang gitawag ang atensyon Department of Education kabahin ning kakuwangan inatwon sa mga estudyante kabahin sa atong kaagi o history.
Aniay pipila ka trivia kabahin ning unang Prime Minister ug Foreign Minister sa Pilipinas. Ang dalan gikan sa Shamrock paingon sa Cathedral ning atong dakbayan gadala sa iyang ngalan. Apan daghan pang mga dalan, taytayan, building ug lugar sa atong nasud nga gada sa iyang pangan kay matud pa sa Rappler: “at least 6 national roads, 19 streets in Metro Manila, 5 health facilities, 80 elementary and secondary schools and 3 colleges nationwide have Mabini in their names.”
Sa matang sa salapi daghang kwartang papel ug sensiyo nga nabutang ang iyang nawng, sukad pagka 1918 hangtud karon. Sa papel miguwa siya sa peso, sa dos ug ingon man sa dyes. Sa coins nalakra usab siya. Dihay usa ka dako niadtong 1949 diin uban kang Rizal ug Bonifacio, nalakra si Mabini. Ug karon kuyog silang duha ni Aguinaldo sa 10-peso coin.
Dunay reef sa gikagubtang Spratley’s gipnagan usab kaniya. Unya duna pa usay Mabini nga barko sa Philippine navy.
Salamat sa pelikulang Heneral Luna (nga wa intawon ko maka kita) nasayran nato nga diay masayre sa mga estudyante tao luyo ning mang salapi ug kadalanan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
