Niadto kunong miaging pitsa 5 ning buwan sa Oktubre gisaulog ang Global James Bond Day. Kipili kining maong pitsa sa mga fans ning maong maong mga spy nga pelikula tungod kay mao kini ang pitsa sa pag pasalida sa unang James Bond movie nga “Dr. No.”
Gisaway sa mga Russian kining maong franchise kay matud pa nila usa kini ka symbulo sa kapitalista diin usa ra daw ang mopatigbabaw sa pagsulbad sa kalisdanan. Sukwahi sa padagan sa mga komunista nga magatimbayayong ang tanan pagsagubang sa kalisdanan.
Nanghinaway usab ang pipila ka mga feminist sa ubang mga eksena ning maong movie series sama sa pagpanghapak ni James Bond (nga niadtong tungora gidala ni Sean Connery) sa mga lubot sa mga babaye nga ang bikini.
Pero bisan pa man niani nagpadayong popular ang melika kabahin ning secret agent sa England nga unang gisulat ni Ian Fleming. Pagkamatay ni Fleming daghang mga manunulat ang mipadayon sa paghimug sugilanon kabahin ning iyang hinimong character. Sila ni Kingsley Amis, Christopher Wood, John Gardner, Raymond Benson, Sebastian Faulks, Jeffery Deaver ug William Boyd puros nakasulat og nobela nga James Bond.
Ang mga actor nga nahimong James Bond naglakip kanila ni Roger Moore, Sean Connery, Daniel Craig, Geore Lazenby, Pierce Brosnan ug David Niven.
Be, atong testingan ang inyong pagka James Bond fan nianing gamay nga quiz. Multiple choice ra.
Kinsa man ang actor nga maoy pinakadaghang James Bond nga pelikula? a) Sean Connery; b) Roger Moore; c) Daniel Craig; d) Pierce Brosnan
Kinsa may leading lady ni James Bond nga na link ni Rod Stewart? a) Maud Adams; b) Hally Berry; c) Britt Ekland; d) Lea Seydoux
Kinsa ang gasulat sa Golden Eye
a) Michael France; b) Ian Fleming; c) John Gardner; d) William Boyd
Unsa nga sakyanan ang gigamit ni James Bond sa Casino Royale ug Quantum Solace? a) Aston Martin V12 Vanquish;
b) BMW R1200; c) Saab 900 Turbo; d) Aston Martin DBS V12
Unsang James Bond nga pelikula nga dunay gadget nga ring camera? a) Dr. No; b) Quantum Solace; c) Casino Royale;
d) Moonraker
Ang Tubag: b, c, a, d, d
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
