Kon makasakay kas mga elevators sa IT park, makabantay ka nga dunay mga floors nga nangawagtang, mga wa maapil sa ihap. Ug makaingon ka nga even in modern times, superstition thrives.
Sa ubang mga tag-as nga buildings, wala ang 13th floor. Western jitters, if anything, nga nakuha na sab nato sa mga libro ug sine. Kay dimalas man kuno ang numero 13, wa nila kini apilag ihap. So who is doing the counting? Sa ato pa ang 14th floor button sa elevator mao ang unofficial 13th.
Mao kini mahitabo kon medyo tag-as ang building. Apan sa mga mugbo ra nga buildings, duna usay missing floors. Ang nawagtang sa kwentada mao ang 4th floor. Eastern fears ang hinungdan niani. Ang paglitok kuno sa “four” sa China duol kaayo sa ilang pulong para sa kamatayon. Gikaingon nga mahadlok silag dimalason ang ilang negosyo kon naa sila sa floor number four.
Niadtong 90 anyos si Jimmy Carter, ang kanhing presidente sa America nga aktibo kaayo sa Habitat for Humanity, mibutyag siya sa iyang Sunday School nga ang iyang cancer nga melanoma nibalhin sa iyang utok human siya operahi sa atay. Apan nibalik si Carter human sa pipila ka buwan para mopahibawo sa iyang Sunday School nga nawala na ang cancer sa iyang utok. Apan karong 91 anyos na siya, niatubang na usab siya sa mao gihapong panagtapok para muhatag og usa ka masulob-ong taho. Nianing higayona, dili kabahin sa iyang kabaskog kon dili kabahin sa kamatayon sa iyang 28 anyos nga apo nga si Jeremy Carter nga namatay sa iyang pagkatulog. So who’s counting ages in terms of mortality?
And still counting? Miabot nag tulo ang atong Miss Universe title holders human makuha ni Pia Wurtzbach ang korona kagahapong adlawa. Murag double overtime sa NBA ang nahitabo kay giusab ang announcement sa winner dihang niangkon ang komedyanteng host nga nasayop siya pagbasa sa winner. Walay sayop sa kwentada. Sa paglitok ra.
Niingon si Digong nga makigdebate siya kang Mar kon makatungtong kini pagka number two sa survey. Kinsa bay nag-ihap aning mga survey ba? Pero sakto si Digong. Nganong makigdebate man siyag tawo nga naa sa iwit? Gamiton lang siya niani para pagkuhag attention sa mga tawo.
Abi nakog kusgan kaayo ning Facebook. Nganong nangiwit man sa survey ang Facebook darling nga si Miriam? Kamong mga Facebook users, pangapil ra gud mos sunod nga survey para maka overtake si Miriam ni Mar ug mosamot og ngisis Digong.
Enough with the counting una ug Merry Christmas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
