Veep veep

By: Gerard Pareja April 11,2016 - 08:45 PM

Salins Hulbot

Wa tuhoi nga nahimong Cayetano-Marcos match ang debate sa mga vice presidential candidates sa Pilipinas nga gimugna sa CNN Philippines didto sa campus sa University of Santo Tomas. Pero basig sa ako ra kining panan-aw ug lain ang opinion sa uban tali sa debate. Apan mao diay usab kini panan-aw sa kasagaran.

Gani paghuman gyud sa maong debate, si Allan Peter Cayetano, nga bise ni Davao City Mayor Rodrigo Duterte para sa partidong PDP Laban, maoy nakakuhag pinaka favorable rating sa Facebook. Nakakuha si Cayetano og 44%. Gisundan siya ni Marcos nga may 28%, dayon ni Robredo nga may 23%. Si Escudero nakakuha lag 3% samtag tag 1% ang mga military rebel nga sila ni Honasan ug Trillanes.

Hinuon sa laing Facebook survey nga gikuha sa GMA 7, si Marcos ang gauna nga may kapin sa katunga ang mipabor. Gisundan kini ni Cayetano nga may 30% ug dayon ni Robredo nga may 12%. Dunay 4% si Escudero, may 2% Honasan ug 1% si Trillanes.

Makaingon kita nga ang nakapahimos sa debate para pagpasaka sa iyang kandidatura mao si Cayetano. Naka first ug second place siya sa mga Facebook surveys sa maong debate. Wala kaayo manimaho si Cayetano sa wala pa ang debate.

Ang pildero sa maong debate mao si Escudero. Ang kanunay nga una sa survey nga si Escudero nanaog sa ika-upat ug nga na single digit na lang ang iyang percentage.

Si Escudero nga kauban sa iyang presidential candidate nga si Grace Poe maoy gi-rumor karon nga “Plan B” sa mga pundok ni P-Noy. Naunlod naman gud ang kampanya sa ilang mga manok nga si Mar Roxas ug Leni Robredo. Ug mao nga dunay hugonhugon nga dakong bahin sa pundok ni P-Noy (ug dili lang sa Liberal Party) ang mibalhin na sa Poe-Escudero tandem.

Ania ang pagtan-aw ko sa maong debate. Si Escudero maoy pinakasipat ug pinakamaldito manulti ug tataw lang nahimuot ang mga nanan-aw sa maong okasyon. Si Marcos sa iyang bahin daw martial artist nga gitabangan sa tanan apan wala gyud matumba.

Si Robredo maurag flashback ni Cory. Sinsiro ug kalma mosulti. Apan nausab naman gud ang panahon. Kon ipiktibo ang maong approach niadtong nakigbatok tag diktador dili na kini ang gipangita sa mga botante karon (nga kasagaran wala pa matawo sa panahon sa EDSA). Ning panahon nga kaisog ug kaabtik ang gipangita sa kadaghanan, daw low energy ang dating ni Robredo.

Apan ang pinaka way ayo niadtong maong debate mao si Escudero nga daw miintrag oratorical contest. Pun-an pa sa iyang ga piyaok nga tingog ug sa iyang mga linya nga lata na kaayo (kay kanunay kining gigamit sa pangampanya bisan niadtong wala pa matawo si Marcos).

By and large, angay malipay ang kampo ni Duterte sa pag-landing ni Cayetano sa spotlight.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Read Next

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

TAGS: debate, election

We use cookies to ensure you get the best experience on our website. By continuing, you are agreeing to our use of cookies. To find out more, please click this link.