Salins Hulbot
Nyor Dako (ND): Nganong dako man kaayong balita ron ang mga kwarta ni Duterte sa bangko?
Nyor Gamay (NG): Kay wa man gud to niklick ang unang issue nila batok kaniya.
ND: Unsa man diay tong isyuha, Nyor?
NG: Kadto bang mga death squad kuno niya. Naunsa nga ang mga tawo sa iyang lugar nga pro vigilante na man kaayo.
ND: Aw di gyud na moklik, Nyor. Kay murag gipul-an na ang mga tawo anang patay-patay nga issue.
NG: Sorry, wa ko ka “G” anang imong gipasabot, Nyor, da.
ND: Nganong midaog man si Cory?
NG: Kay namatay si Ninoy?
ND: Tumpak! Ug nganong nidaog mas P-Noy?
NG: Kay namatay si Cory.
ND: Sakto! Kasabot naka, Nyor?
NG: Unya, nganong nidaog mas Gloria?
ND: Kay namatay man sad iyang papa.
NG: Di na na counted, Nyor. Dugay na kaayong namatay iyang papa para makahatag og impact ang kamatayon niani sa paglansar ni Gloria.
ND: O, magbuot ka?
NG: Na hala. Pero si Erap kuno be. Aykog ingna tungod kay namatay iyang papa nga wa man ta kaila niadto?
ND: Sa kang Erap, ingon niani. Sa kadaghan sa akong mga gipaangkan, syarog way namatay adto, botare na lang ko.
NG: Ay, pagka kubad gyud nimo, Nyor. Wa gyud kay klaro. Ay kog ingna mao ni katarungan nga kusog gihapon sa lumba silang Bongbong, Robredo ug Poe?
ND: Aw unsa pa man diay? Si Bongbong unyay Gloria part 2.
NG: Si Leny?
MD: Aw unsa pa di Cory part 2.
NG: Ug kon si Poe?
ND: Double barrel na, Nyor.
NG: Ha? Ngano man?
ND: Una, kay namatay ang iyang spiritual father nga si FPJ. Unya kay namatay man sad ang gi-rumor nga physical father niya nga si Macoy.
NG: Murag di na ni maayong imo, Nyor, da. Murag nasubraan tingay kag pangapi. Unya unsa may buhaton sa mga wa mamatye?
ND: Aw magpunay na lang silag panungo. Wa ta kahibawo basig nagsige na nag panungo si Mar kang Korina. Hapit na ra ba. Mao tingali nang magsigeg su’od-gawas sa kasilyas si Mar kay adto na modalikyat og panungo.
NG: Sa ato pa kining atong mga presidential election mura na lang nig limus sa mga namatyan nga kandidato?
ND: Kita gong mga Pinoy, Nyor, manggiluy-on kaayo nga mga tawo. Gani nangutana gud si Anthony Bourdain sa CNN og: “Why are Filipinos kind?” Kitang tanan, Nyor, buot molimos. Apan kay wa lagi intawon tay kwarta, balota na lay ilimus.
NG: Faet.