Dunay mga batan-ong abogado ang mikuwestiyon nganong paspas kaayo ang korte nga mi-grant og bail ug mipa-release from police custody sa nadakpang minyo’ng abogado uban sa kabit nga female lawyer.
Ang argument sa mga bag-ong practicing lawyers mao nga samtang nasayod sila nga dunay lagda nga puwede’ng katugtan nga makapiyansa ang mga akusado bisag wala pay kasong giatubang sa husgado provided nga bistahon gyud ang application for bail ug hatagan ang piskal og higayon nga maka-comment.
Pero ang mga tang-an na sa practice mipasabot nga gi-require lang ang trial sa application for bail kung ang kaso nga nahimo sa akusado dili bailable.
Apan ang kaso sa duha ka binuhat nga concubinage ug Violence Against Women and Their Children pulos bailable. Nagpasabot nga bail is a matter of right. Nagpasabot nga dili discretion sa huwes ang pag-grant og bail.
Sa laktod nga pagkaesturya, way mahimo ang huwes o husgado gawas sa pagtugot ra gyud nila nga makapiyansa kay pulos bailable ang ilang offenses.
Pero bisag nakapiyansa na ang duha, kulba gyud kaayo nga mapa-disbar sila ug uwaw sab kaayo uy.
Hinuon ang tawo dili na magtagad sa bisan unsang negatibo nga komentaryo basta gugma nay magsugo.
* * *
Dul-an sa tres (3) milyones ka mga Sugbuanong botante ang maghugop karong Lunes sa lain-laing mga polling places atol unya sa May 9, 2016 national and local elections.
Sa exact data nga akong nakuha gikan sa Cebu Provincial Comelec, moabot sa 2,722,288 ka mga registered voters nga gilangkuban sa pito ka mga legislative districts sa probinsiya, apil na ang lone congressional district sa dakbayan sa Lapu-Lapu ug duha ka mga legislative districts sa dakbayan sa Sugbo.
Sa first legislative district, moabot sa 373,647 ka mga registered voters. Gilangkuban kini sa Carcar (63,285), Minglanilla (55,652), Naga City (63,755), San Fernando (43,398), Sibonga (27,317) ug Talisay (120,240).
Sa second district, moabot sa 145,386 ka mga registered voters. Sa Alcoy (11,333), Argao (45,139), Boljoon (10,216), Dalaguete (35,658), Oslob (18,886), Samboan (12,577) ug Santander (11,577).
Sa third district, dunay total nga 329,076 ka mga registered voters. Sa Aloguinsan (20,124), Asturias (31,631), Balamban (47,548), Barili (42,831), Pinamungahan (40,737), Tuburan (42,547) ug Toledo City (103,658).
Sa fourth district, mokabat sa 289,179 ka mga rehistradong botante. Ang Bantayan dunay (39,721), Daanbantayan (48,601), Madridejos (23,134), Medellin (32,756), San Remigio (37,122), Santa Fe (16,929), Tabogon (24,746), Tabuelan (17,880) ug Bogo City (48,290).
Sa fifth district dunay total nga 328,514. Sa Borbon (22,182), Carmen (32,126), Catmon (17,150), Compostela (29,306), Lilo-an (62,429), Pilar (8,613), Poro (13,790), San Francisco (27,484), Sogod (21,586), Tudela (7,763) ug Danao City (86,085).
Sa sixth legislative district, moabot sa 297,878 ka mga registered voters. Sa Consolacion (73,893), Cordova (34,273) ug Mandaue City (189,712).
Sa bag-ong seventh district, dunay total nga 139,790. Sa Alcantara (10,102), Alegria (15,431), Badian (23,588), Dumanjug (32,494), Ginatilan (11,143),
Malabuyoc (12,814), Moalboal (19,821) ug Ronda (14,397).
Sa lone district of Lapu-Lapu City dunay total nga 188,815.
Samtang sa Cebu City dunay total nga 630,003 registered voters. Sa Cebu City first district or north district moabot sa 290,760 samtang sa second district or south district moabot sa 339,243.
Maglaom ko nga sa kadaghan nato’ng mga Sugbuanon, makapadaog kita’g presidente nga tarong ug ligdong.