Salins Hulbot
Kay giganahan ko nga mahuman ang ospital ug ingon man ma tiwas niya ang tulo niya ka termino sa pagka mayor, mibutar kong Mike Rama. Kay mahiligon man ko mag photowalk nauyon ra kos iyang pagpalapad sa mga sidewalk. Nindut sad tong iyang shortcut procedure nga makagamit dayon og kuryente ang mga bag-ong gagmay nga balay.
Apan naunsa man nga kon kanus-a ko mibotar niya diha pa hinuon siya mapilde. Pistol, ako man kahay gadag dimalas.
Duha ka rason ang akong gituohan nga naka pilde ni Mike. Usa niani mao ang black -adikadik- propaganda. Ang ikaduha mao ang iyang pagka loyal ni Binay nga nabiyaan sa lumba sa pagka pangulo.
Sa Duterte rally sa SRP niadtong Sabado paingon sa eleksyon mitungtong ang igsuon ni Tomas Osmeña nga si Minnie sa stage ug miawhag sa mga tao og -“Let’s DO it.” Ang D. sa DO, for Duterte for president ug ang O, Osmeña for mayor. Maurag. Para kanako, nakatabang sa pamilya Osmeña ang pagbiya nila sa kampo ni Mar. Samtang si Rama na stuck-up sa iyang pildihunong Binay.
Apan sa akong higala, nga tawgon ta lang og Mr. Suhito, mas simple kuno ang rason sa kaparutan ni Rama: kwarta. Matud ni Mr. Suhito nga dihang nadunggan sa kampo ni Tomas nga tag P500 ang tao sa pinalitay sa grupo ni Rama ilang gihimong tag P1000 ang ilang pagpamalit sa matag botante. Ingon pang Mr. Suhito kompyansa ra kaayo sa pinalitay niadtong 2013 si Tomas maong wa siya kalihuk ug napildi siya.
Dihang nahibawoan ko kini nangutana sa moang lugar kon pilay ilang nadawat para sa ilang balota. May miingon nga P200 ang ilang nadawat sa kampo ni Mike ug P300 ang gikan sa mga leader ni Tomas. Mao ba? Unsa man diay nahitabo sa P300 ug P700? Aw, giugom sa leader ang show.
Samtang ang usa nakong kaila nga nursing student miingon nga nangusog kuno siyag kamapanya para kang Digong. Nangutana ko niya kon nganong nangampany pa man siya parang DU30 nga solid naman kaayo ang mga supporter niani ug dili naman gani kini mapalit. Miingon siya nga kay dili naman gyud kuno mapalit ang mga Dutertards na concentrate na lang ang pinalitay sa para sa vice-presidential candidate.
Vote-buying is almost as old as prostitution, if given that they are not synonyms pero kon violation man gami kini mrag wa pa gyuy nasilutan niani. At least not in recent memory.
I-legalize na lang kaha ni para makataud natag kartola sa atong gate og Votes for sale: for President no longer available; for vice president, P500; for mayor, P1000; for vice mayor, P400; for councilors P300 each.