Salins Hulbot
Sa video nga mipakita kang Basti, anak ni Digong, nga gatambay uban sa iyang mga barkada, mibalibad ang batan-ong Duterte sa hangyo sa iyang amigo nga ipatubag ang mi greet kaniya sa iPhone. Miingon kini og -di ko kahibawo anang iPhone, Sony ning ako, Android.
Tingali kon dunay survey sa mga Android users kon kinsay ilang presidente, murag sobras katunga ang mo supporta kang Digong Duterte. Dili tingali layo sa tinuod kon tawgon ta siya og the first social media-backed president. O di ba kaha hinuon, tawgon ta siya nga “1st FB President.”
Uban sa iyang pagdaug napakita sa social media nga may igo na kining kusog nga mohasi sa traditional media. Kon nabantayan mo mas menos ang mga paid endorsers ang miguwa sa TV. Sa Facebook mo na lang makit-an.
Ug tungod usab sa social media dali na kaayo ma counter ang mga black propaganda nga mogawas sa TV. Kon wala pay social media murag mas lawom unta og dut ang mga last minute birada ni Trillanes apan pero dali kining na sagang sa mga tribu ni Digong. Damaging unta kaayo kadto labi na kay apiki na kaayo para ma cover in full sa traditional media ang mga tubag sa DU30 camp.
Duna nay bag-ong cover word ang traditional media diin matago niani ang ilang bias. Kini mao ang pulong “fairness.” Di mo makita ang mga baga na nga panon sa mga pro-DU30 kon TV o newspaper ang imong tan-awon. Dili nila mapakita ang kaguliyang sa dakong panon ni Digong kay dili kini “fair” alang sa ubang kandidato. Dili fair nga motaho sila kabahin sa mga record-breaking crowd ni Duterte. Kon wa kay access sa social media di mo mahibawoan nga baga na kaayo ang panon nga modumog sa mayor sa Davao.
Nahimong springboard sa kandidatura ni Digong ang social media ug kon wa ko masayop nahimo usab kini nga fundraiser hangtud nga diha nay igong pundo para sa TV ads.
Dili kusog si P-noy sa social media pagdagan niya pero wala man kini niya kinahanglana. Una, hinay pa ang social media 6 years ago. Ika duha, ang kamatayon ni Cory igo na nga makapadaug kaniya.
Ang personal charisma ni Digong, ang iyang record sa Davao maoy halin kaayo sa social media. Kon wala pa sad siya niani murag maglisud pud tingali ang social media makabaligya kaniya.