Unsa mang mga nasud sa tibuok kalibutan nga maayo para sa mga inahan? Agig pagsaulog sa Mother’s Day karong pitsa 11, ang Save The Children organization mipagawas sa ilang 15th annual State of the World’s Mothers diin gilista ang Best 10 ug Worst 10 countries para sa mga mama.
Wala masulod ang Pilipinas sa Best 10. Apan maayo na lang kay wa usab kita maapil sa Worst 10. Wala usab masulod ang USA sa duha ka lista. Kay matud pa sa maong organization, nanaug gikan sa mumber 30 ang USA ngadto sa number 31.
“Fifteen years ago, the United States was No. 4 in the top 10 bracket,” matud pa ni Carolyn Miles, CEO sa Save the Children. “But now, we’re weak in three areas: maternal and child mortality rates and lack of women represented in Congress.”
Dunay 178 ka nasud ang gitun-an ning maong kapunungan. Mao kini ang ilang gibasihan sa ilang ranking: risgo sa kamatayon sa pagpanganak, ang kamatayon sa mga bata ubos sa 5 anyos ang pangidaron, pila ka tuig ang formal schooling sa kababayn-an, ang gross national income per capita, ang pagka andam alang sa emergency disasters, ug ang pursinto sa mga babaye nga involved sa politica.
Ang Best 10 countries for mothers: 1. Finland; 2. Norway; 3. Sweden; 4. Iceland; 5. Netherlands; 6. Denmark; 7. Spain; 8. Germany; 9. Australia; 10. Belgium.
Ang 10 Worst Countries for mothers: 1. Côte d’Ivoire; 2. Chad; 3.Nigeria; 4. Sierra Leone; 5. Central African Republic; 6. Guinea-Bissau; 7. Mali; 8. Niger; 9. Democratic Republic of the Congo; 10. Somalia
Kon mamatikdan mo, ang Australia ra maoy nasud sa Best 10 countries for mothers nga wala sa Europe apan mga European descent gihapon ang kasagaran sa mga namuyo didto. Puros Scandinavian nations ang nasulod sa Top 7. Gawas nga sapi-an ang maong mga Scandinavian nga nasud maayo usab ang ilang klima para pagpamuhi og baka. Mao nga maayo ang ilang mga gatas, chocolate ug cheese.
Kon mamatikdan mo usab, ang kasagarang nasud nga naapil sa Worst 10 countries for mothers nahimutang sa continent sa Africa ug itom og panit ang kasagaran sa mga tao dinhi. Ug kon daghang baka sa Scandinavian nations, sa mga nasud intawn sa Africa nga naapil sa worst 10 countries maglisud silag buhig kanding.
Hinuon maingon ta nga dunay bias sa western ideals ang maong pagtuon. Kay kon maayo gyud ang kondisyon didto sa Europa ug sa mga sapi-ang nasud alang sa pagka mama (ug sa pagpanganak) nganong mas daghan man gihapon ang mga tao sa mga pobreng dapit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
