Gerard Pareja
Sa wa pa ma bilyonario si Donald Trump, gitawgan niya ang usa ka reporter sa Fortune Magazine nga nag survey kon kinsa ang mga Bilyonario sa USA niadtong panahuna.
Nangalyas siya ug nga iyang ginominate ang binuhat nga gihinganlag Donald Trump nga angay na iapil sa mga lista sa Bilyonaro.
Iyang giingnan ang reporter nga sikrito na nga nakuha ni Donald Trump ang negosyo sa iyang amahan ug naubos na sa iyang pangan ang construction ug real estate business sa iyang pamilya.
Na kombinse niya ang reporter nga bilyonario na si Trump pero hilum pa alng kini.
Mga pipila ka tuig pa una nasakpi sa reporter nga kadtong ga nominate ni Trump mao si Trump ra sad diay gihapon.
Ug nga niadtong panahuna dili pa diay siya bilyonario.
Dunay usa ka magsuslat ug war hero sa France nga si Romain Gary nga human makadaug sa dakong literary award sa maong nasud nga mao ang Goncourt Prize pagka 1973 midaug pagusab ginamit ang laing pangan pagka 1975.
Ang padagan sa Goncourt nga kausa ra makadaug niani ang matag writer.
Nahitabo man gud nga ang ikaduhang nobila nga naggamit sa iyang pseudoname nga Emile Ajar maoy napilian sa award giving body.
Iyang gihimuag sugilanon si Ajar nga usa kini ka Algerian nga nasipyat sa iyang gihimong abortion sa Paris ug nga maong milupad kini ngadto sa Brazil ug didto na mag sulat sa iyang mga libro.
Dunay natahap nga basig usa ra si Gary ug si Ajar apan wa maminaw Goncourt niani.
Dunay manuscript si Gary nga miangkon nga siya Ajar apan mipatim-aw lang kini human sa iyang paghikug.
Niadtong 2002 dunay patay nga lawas nga nakit-an sa Cleveland ang mga pulis didto. Gituohan nga naghikug kini.
Gikan sa iyang mga identitication card ug ingon man sa iyang bankbook nga duna pay sulod ng 82,000 US$ nasayran nga siya si Joseph Newton Chandler III.
Apan dihang ilang gisusi ang maong pangalan nasayran nga kining maong ngalan iya man sa usa ka bata nga namatay niadtong 8 years old pa kini.
Gikawat lang ning maong tawhana ang maong pangan.
Ang migamit sa ngalang Chandler nailhan isip usa ka hilumong electrician. Daghan na hinuong gaduda kon dili ba siya serial killer.
Dugang research ug ingon man ang paggamit sa DNA testing na trace sa mga US marshalls ang iyang anak ug nasayran nila nga siya diay usa ka World War II navy veteran nga si Robert Ivan Nichols.
Si Trump, presidente, si Nichols, navy ug si Gary pilot sa airforce.
Silang tulo susama sa tuko nga mosibya apan motago.
Hinuon ang tuko igo ra mang mopatag-an nato kon mouwan ba o dili.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
