Wa pa daw mahuman ang gibuhat nga deliberation sa Movie and Television Review and Classification Board (MTRCB) sa miaging semana kabahin sa mga reklamo batok sa “It’s Showtime” sa ABS-CBN ug “E.A.T.” sa TV5.
Mao ni ang hinungdan nga ngano wa pa gipagawas ang desisyon o resolution sa MTRCB nga gipangulohan ni Chairperson Lala Sotto sa ilang mga gi-review nga episode sa mga nahisgutan nga mga noontime show nga nakabuhat daw og violation.
Ang mga gipasabot kani ang gihisgutan nga “indecent acts” kuno sa managuyab nga Vice Ganda at Ion Perez sa usa ka segment sa “It’s Showtime” nga nakabase sa “pagkaon” nila sa icing sa cake sa atubangan sa mga bata.
Gireklamo pod ang “E.A.T.” nila ni Tito, Vic & Joey sa dihang kalit lang namalikas si Wally Bayola on national TV samtang naghost sila ni Jose Manalo sa “Sugod Bahay mga Kapatid” segment.
Gilauman nga makapagawas na og desisyog ang MTRCB karong semahana kabahin sa mga nahisgutan nga reklamo.
Apan samtang wa pa ma madesisyonan ang reklamo batok nila ni Vice ug Ion, duna na poy bag-o nga complaint batok sa “It’s Showtime” nga pwede maabot pod sa MTRCB.
Kini tungod sa “vibrator” statement sa Kapamilya nga TV host ug aktres nga si Kim Chiu. Base sa mga nabasa namo nga post sa X (nga kanhi Twitter), nahitabo kuno ang insidente sa “Tawag Ng Tanghalan” karon lang Agosto.
Baka Bet Mo: Vice Ganda, Ion Perez suspendido nga ba sa ‘Showtime’ dahil sa mga reklamong natatanggap ng MTRCB?
Nikomento god si Kim sa performance sa usa ka contestant sa maong segment nga “Ang ganda ng vibrator ng boses mo.”
Usa ka simpleng pulong ni Kim nga gihatagan og malisya sa ubang mga netizen nga dali kaayo nireklamo sa MTRCB.
Maayo unta nga maghunahuna si Kim usa siya mobuhi og pulong sa national TV tungod init kaayo karon ang MTRCB sa mga violations.
Midepensa ang fans ni Kim nga wala kunoy malisya ang pagpulong ni Kim sa “vibrator” nga siguro ang iyang gustong isuliti mao ang “vibrato” o usa ka matang sa timbre sa tingog.
Gawas pa niini, sigurado nga naapil daw og discuss karon sa MTRCB ang usa pang pulong ni Kim Chiu sa usa pod nga episode sa ilang noontime show — kaning pagsulti niya sa pulong nga “p*kp*k shorts.”
Apan in fairness, gidali dayon kini og correct sa co-host niya nga si Jhong Hilario nga nisulti dayon og “kwek kwek shorts.”
Ug nitubag pod dayon si Kim nga, “Oo, kwek kwek shorts!”
Kamo mga ka-Bandera, unsa tan-aw ninyo? Angayan bang ireklamo si Kim sa iyang mga gibuhian nga pulong sa national TV?
Marco humirit sa netizen na nagsabing, ‘May anaconda sa shorts mo, bro!’