Awra Briguela ug Mark Christian Ravana nagkaatubang og usab. (Photo gikan sa Radyo Inquirer)
“TULOY ang laban, walang aregluhan.”
Mao rag mao nay gusto nga isulti sa kampo sa Kapamilya teen star nga si Awra Briguela kabahin sa malambigitan niyang mga kaso.
Kini human nipasaka og kontra-demanda si Awra batok kay kay Mark Christian Ravana sa Makati City Prosecutor’s Office niadtong, Agosto 30.
Nakaatubang ang duha sa preliminary investigation kabahin sa mga reklamo nga light threats, grave coercion ug paglapas sa Safe Spaces Act nga gipasaka ni Ravana batok kang Awra tungod sa nahitabo nga kagubot sa Bolthole Bar sa Barangay Poblacion, Makati niadtong Hunyo.
Preliminary investigation
Gipadayon niadtong Huwebes ang preliminary investigation sa mga reklamo ni Ravana tungod wa moabot ang witness sa kampo ni Awra.
Apan nipasaka pod ngadto ni Makati City Assistant Prosecutor Larry Caballero og kasong violation sa anti-wire tapping law, slight physical injury ug paglapas sa Safe Spaces Act batok kang Ravan ug sa usa pa niya ka kauban.
Kauban sa young star ang iyang legal counsel nga si Atty. Mikaelo Jaime Reyes sa dihang nipasaka sila og kaso.
Basin Bet Pod Ni Nimo: Awra Briguela may pasaring sa Twitter: Bagong Pilipinas, bagong mukha tapos Marcos, Duterte pa rin?
Matud pa niya, nga usa sa mga ebidensiya nila kadtong gipost nga video sa grupo ni Ravana sa social media kung diin nakuhaan og video si Briguela sa dihang napriso kini sa presinto.
Lig-on ang kaso
Samtang, matud pa sa kampo sa lalaking gitripan daw ni Awra, nagatuo sila nga lig-on ang kaso nila batok ni Awra.
Gawas pa sa tulo sa nahisgotan nga reklamo nagatubang pod si Awra sa mga kaso nga slight physical injuries ug simple disobedience to a person in authority.
Temporaryong gibuhian si Awra niadtong Hulyo 1, gikan sa Makati Custodial Jail, human kini nakapiyansa og P6,000.
Karong bag-o lang nisaad pod ang iyang talent manager nga si Vice Ganda nga di gyod niya biyaan sa pakigbisog sa teen star labi na nga daghan kini nga giatubang karon nga mga kaso.
RELATED STORIES
Awra Briguela arrested, detained after brawl outside Makati bar
Awra Briguela returns to social media after brawl incident