Brandy Ayala (Photos from Morly Alinio vlog)
Makalolooy kaayo ang kahimtang sa kanhi sexy actress nga si Brandy Ayala nga misikat sa showbiz niadtong dekada 80.
Sa latest vlog sa showbiz reporter ug content creator nga si Morly Alinio, makita nga giadto niya ang nahimutangan karon ni Brandy.
Matud pa sa mga silingan nga nakaila kang Brandy nga pirmi kini nga makit-an nga naglibod suroy sa ilang lugar aron sa pagpangita og pagkaon sa basurahan.
Dugang nila sa interview ni Morly nga bisan pa man og hatagan si Brandy og pagkaon sa iyang mga kaila, dili kini niya dawaton tungod kay mas gusto pa niya mga mangukay sa basurahan.
Og kun unsa man ang iyang makit-an, mao kini ang iyang kaonon.
Bisan pa man niini, wala kunoy masuko o manghilabot kang Brandy tungod kay nakahibaw sila sa iyang kundisyon, apil na sa estado sa iyang mental health.
Sa iyang vlog, makita nga gidunolan ni Morly si Brandy og sinsiyo aron ipalit og sigarilyo. Human siya makapalit, giuli pa ni Brandy kang Morly ang sukli.
Matud pa sa Bandera nga taud-taud na nga nabalita ang kahimtang ni Brandy apan mura og wala gyud siya mahatagi sa iyang gikinahanglan nga medical attention.
Nahimong sikat si Brandy niadtong dekada ’80 isip usa sa mga “Liquor Beauties.” Si Brandy na diskobrehan sa controversial nga talent manager nga si Rey dela Cruz.
Human ang hapit duha ka dekada, nahimong topic sa usa ka talk show ug public service program si Brandy human kini makita nga nag suroy-suroy na lang sa Divisoria aron manglimos ug mangayo og pagkaon.
RELATED STORIES
FACES OF CEBU: Marvin Lastimoso, 38, ‘Human Statue of Colon’