Image: Pat Dy
Si Heart Evangelista ug Senator Francis “Chiz” Escudero nag-renew sa ilang wedding vows sa usa ka intimate nga seremonyas didto sa Royal Villa sa Balesin Island niadtong Huwebes, Pebrero 15, o usa ka adlaw human sa ika-39 nga birthday sa fashion icon.
Si Evangelista ug Escudero nagsaulong sa ilang ika-9 nga wedding anniversary pinaagi sa vow renewal ceremony nga gisaksihan sa ilang mga mahal sa kinabuhi ug suod nga kahigalaan. Kini makita sa mga post sa Instagram sa makeup artist nga si Albert Kurniawan ug designer nga si Michael Leyva.
Matahum kaayo nga tan-awn ang Kapuso star sa iyang beige wedding gown ug bilo nga gitabon sa iyang ulo ug abaga sama sa usa ka hood nga ginama ni Lebanese fashion designer Elie Saab. Samtang si Escudero ambongan usab kaayo sa iyang cream-colored tuxedo.
Image: Screengrab from Instagram/@abtkurniawan
Image: Screengrab from Instagram/@abtkurniawan
Image: Screengrab from Instagram/@abtkurniawan
Espesyal ang maong okasyon alang kang Evangelista tungod kay giuban siya sa iyang inahan nga si Cecilia Ongpauco sa iyang pagpaso. Kahidumduman nga sa iyang kasal ngadto kang Escudero niadtong 2015, nag-inusara syang mipaso padung sa altar.
Image: Screengrab from Instagram/@abtkurniawan
Image: Screengrab from Instagram/@michaelleyva_
Sa Instagram, gipakita ni Evangelista ang iyang wedding gown ngadto sa iyang mga pinaagi sa usa ka interview sa fashion magazine Harpers Bazaar Singapore. Iya kining giadornohan og usa ka “meaningful” nga kwentas nga aduna’y diamonds nga iyang nakolekta sa pipila na katuig gikan sa mga regalo sa iyang ginikanan ug bana.
“Elie Saab has a special place in my heart—it was actually one of the first shows I ever attended in fashion week. I’ve always loved their dreamy and romantic creations, and when I saw the custom couture dress, I knew that was it,” matud ni Evangelista.
Makita ang pagkamalipayon ug paghinigugmaay sa duha sa ilang mga hulagway sa vow renewal nga gikuha sa celebrity photographer nga si Pat Dy. Sa lain usab nga mga litrato, makita ag kaanyag ni Evangelista.
Si Evangelista ug Escudero nagpakasal niadtong 2015, didto usab sa Balesin Island.
ALSO READ
Heart Evangelista cooks ‘chiz-y’ Croquette with husband Chiz
Heart Evangelista receives new diamond ring from Chiz Escudero