Anthony Solares | Screengrab gikan sa ONE News
Niangkon ang lalaki gikan sa Bato, Camarines Sur nga si Anthony Solares nga gipatay niya ang viral nga golden retriever nga si Killua.
Sa interview niya sa News5, nisulti siya nga gibuhat to niya para protektahan ang uban nga tawo nga naa sa palibot maong lugar.
Basin Bet Pod Ni Nimo: Anthony Solares inaming pinatay si Killua: Ginawa ko lang ang nararapat
Matud pa ni Solares nga bisan siya gipaak pod kuno sa maong iro.
“Ginawa ko lang ‘yung nararapat,” matud pa ni Solares.
Niingon pa gyod siya nga, “Hinabol ko na ‘yung aso kasi, ano na… nangagat na. Bale, naka-dalawang kagat na siya. Tapos, muntikan pa nga ‘yung asawa ko, na nagtitindi lang sa aming ano…”
Sa dihang gipangutana si Anthony kung nagsugod na ba og pamaak si Killua sa mga tawo sa dalan, nitubag kini siya nga oo.
Gawas pa niini, nikumpirma pod siya nga gigukod niya ang iro sama sa nakita sa CCTV footage nga gipagawas sa furmom ni Killua nga si Rachelle tungod matud pa niya kay namaak na kuno ni sa mga tawo.
Basin Bet Pod Ni Nimo: #JusticeForKillua: Celebs nanawagan para sa asong pinatay
Matud pa ni Solares, “Maski nga ako, naano na, nakagat na ako. Kaya, kung baga sa ano, ay talagang ano na siya, talagang wala na sa sarili ‘yung aso.”
“Lahat ng nakasalubong niya, parang gusto niya pang anuhin, ‘yung parang, gusto pang kagatin. Kaya, wala akong ibang naisipan, talagang anuhin. Baka maka-ano pa ng ibang tao,” niingon pa gyod siya.
Giangkon pod ni Solares nga gihapak niya og bato ug gibunalan og kahoy si Killua ug sa dihang patay na ni kay iya sang gibutang sa kilid sa iyang tindahan ang patay nga iro para huwaton ang tag-iya niini ug nag-CR kuno sa siya.
Apan gipanghimakak niya nga gisud niya sa sako ang iro ug uban kuno nga tawo ang nihimo niini.
Basin Bet Pod Ni Nimo: PAWS to file charges vs. Killua’s ‘killer’
“Ganito po ‘yun. Tinabi ko muna [siya] sa tindahan ko noong patay na, tapos umuwi muna ako, nag-CR ako. Pagbalik ko, naka-sako na,” niingon si Solares.
Gipanghimakak pod niya ang mga pasangil nga may plano siya nga ihawon ug lutoon si Killua mao to nga iyang gipatay.
Niingon pa siya nga wa siyay intensyon nga patyon ang iro ug wa sad kuno siya naglagot sa tag-iya ni Killua tungod kay wa pod kuno siya kaila sa tag-iya sa golden retriever.
Sa pagkakaron, nakigcoordinate na sa otoridad ang tag-iya sa napatay nga si Killua para mahatagan kini og hustisya sa bayolente niini nga pagkapatay.