Megan Young ug Mikael Daez. Image: Instagram/@meganbata
Giklaro sa aktres ug beauty queen nga si Megan Young nga dili siya mabdos.
Matud niya nga busog lang siya sa mga beach photos nga kuha sa iyang bakasyon sa Boracay kauban ang iyang bana nga si Mikael Daez.
Nagsugod ang mga pagduda nga basin og mabdos si Megan human manggawas ang mga video og hulagway nga kuha sa ilang bakasyon.
READ: Megan Young mabdos kuno sa 1st baby nila ni Mikael Daez?
Sa usa ka video clip nga gi-post sa iyang Instagram niadtong Biyernes, Abril 19, makita ang “princess treatment at the beach” nga iyang nadawat gikan kang Mikael.
‘Looks preggy’
Makita sa video si Megan nga gasul-ob og earth-tone two-piece swimsuit samtang gibutangan siya ni Mikael og sunscreen.
Daghan sa mga netizens ang mi-post dayon sa ilang mga kumentaryo sa maong video. Dunay mga nag-ingon nga si Megan “looks preggy.”
Image: Instagram/@meganbata
Image: Instagram/@meganbata
Image: Instagram/@meganbata
‘Busog lang’
“Preggy ka na, Meg,” matud pa ni @marivicduenas nga gitubag niya og, “Busog lang” nga giubanan og emoji sa usa ka grinning face nga gipaningot.
READ: Megan Young welcomes new fur baby ‘Chia’ to fam
Siyam ka tuig nga nag uban sila si Megan ug Mikael una sila medisisyo nga magpakasal niadtong 2020. Sila gikasal sa duha ka higayon – sa usa ka intimate ceremony sa Batangas ug sa mas daku nga kasal sa Subic.
Human sa duha ka tuig nga kaminyo, miingon sila si Megan ug Mikael nga okay ra sila bisan og wala silay anak.
Si Megan miangkon nga pirmi siya mapangutana kun nganong wala pa silay anak. Ang iyang pirmi nga tubag, “If we have kids, then we have kids. If we don’t, we don’t. If I get pregnant, okay, and if not, then we just continue living life.”