Yen Santos ug Paolo Contis. | Image: Instagram/@ysantos
Misamot karon ang pagduda nga gabuwag na sila si Paolo Contis ug Yen Santos human gi-unfollow ni Paolo ang aktres sa Instagram.
Basi sa iyang IG niadtong adlaw nga Huwebes, Hunyo 20, zero na ang following list sa aktor.
Image: Instagram/@paolo_contis
Sama ni Paolo, zero na usab ang following list ni Yen.
Image: Instagram/@ysantos
READ: Paolo Contis on girlfriend Yen Santos: She deserves a clean slate
Ang pag-unfollow ni Paolo kang Yen nahitabo sobra usa ka buwan sukad usab siya gi-unfollow sa aktres. Gitantang na usab niya sa iyang IG ang mga hulagway nilang duha.
READ: Paolo Contis reveals why he fell in love with girlfriend Yen Santos: ‘She stayed’
Sa sayo pa, gipangutana si Paolo kun unsa na ang ilang relationship status sa dihang nabantayan sa mga Marites nga wala na siya gi-follow ni Yen.
“No comment!” ang tuba niya.
Dugang niya nga gusto na niya nga itago sa publiko ang mga personal nga bahin sa iyang kinabuhi.
Midungang siya nga daghan usab siya og gi-unfollow sa IG apan wala kini magpasabot nga mipahilayo na siya kanila.
“As I always say, masyado na kayong may alam sa buhay ko so I’d like to keep my personal life personal,” sey ni Paolo.
Sa laing interview, nahisgutan usab ni Paolo ang kabahin sa mga lalaki nga naa sa usa ka relasyon. Matud niya nga usahay lisud ang paghigugna kanila samtang ilang gitago ang ilang mga kasakit ug kasuko.
Gi-angkon ni Paolo ang ilang relasyon ni Yen niadtong Enero 2023, human sa usa ka tuig nga pagtago nii sa publiko. Human milabay ang pipila ka buwan, gipahibaw usab niya ang iyang plano nga magpaksal ni Yen sa umaabot.