Maris Racal | Image: Instagram/@mariesteller
Human sa pila ka semana nga paghilom-hilom, makita na usab sa social media si Maris Racal aron sa pag-promote sa iyang bag-ong pelikula nga “Sunshine” nga kabahin sa 36th Palm Springs International Film Festival.
Gi-share ni Maris sa iyang Instagram niadtong adlaw nga Sabado, Enero 4, ang poster sa iyang pelikula apil na ang lista sa screening niini sa international festival.
“Hello, Palm Springs International Film Festival! Get your tickets now,” matud pa sa iyang post.
READ: Jam Villanueva gi bisto ang kuno’y relasyon nila Anthony Jennings ug Maris Racal
Ang “Sunshine” nga ubos sa direksyon ni Antoinette Jadaone, mahitungod sa usa ka batan-on nga gymnast nga nagmabdos sa wala pa ang iyang tryout para sa national team. Tungod sa iyang daku nga suliran, nangita siya og paagi nga makuha ang iyang gisabak.
Image: Instagram/@mariesteller
Kauban ni Maris sa maong pelikula sila si Annika Co, Jennica Garcia, Elijah Canlas, Meryll Soriano ug Xyriel Manabat.
READ: Rico Blanco nadamay sa Maris-Anthony issue, gibuhatan og memes
Una nga naka world premier ang “Sunshine” sa Toronto International Film Festival (TIFF) niadtong Septyembre 2024.
Nahimo usab kini nga nominado para sa Best Youth Film sa 2024 Asia Pacific Screen Awards, ang pinakadaku nga pasingog para sa mga pelikula sa rehiyon.
READ: Maris-Anthony screenshots issue: ‘Cheaters have human rights’
Niadtong buwan sa Oktobre, miingon sa Jadone nga ila usab nga i-apil ang “Sunshine” isip entry sa mga international film festivals sa dili pa ang premier niini sa Philippine cinemas.
Cheating controversy
Ang pagbalik ni Maris sa social media nahitabo human sa pila ka semana nga pagpakahilom, human molugwa ang cheating controversy kauban sa iyang on-screen partner nga si Anthony Jennings, nga gipahibaw sa publiko sa iyang non-showbiz ex-girlfriend nga si Jam Villanueva.
Niadtong buwan sa Disyembre, mipakita si Jam og screenshots sa intimate conversations nila ni Maris ug Anthony nga mura ba og nagpasabot nga duna silay affair.
Miangkon si Maris sa sayop nga iyang nabuhat, sa iyang pagpakiglambigit kang Anthony. Apan, iyang gi-klaro nga gipatoo siya ni Anthony nga wala na silay relasyon ni Jam una pa nangulitaw ang aktor kaniya.
Sa iyang bahin, nangayo og pasaylo si Anthony kang Maris ug Jam sa mga kasakit nga iyang nahatag kanila.