“Maid in Malacañang” poster. | Instagram/@viva_ent
Gipahibaw sa director nga si Darryl Yap ang plano nga buhaton nga usa ka 16-episode series ang “Maid in Malacañang,” usa ka pelikula nga mahitungod sa pamilyang Marcos.
Ang maong balita gipahibaw ni Darryl pinaagi sa usa ka statement nga iyang gi-release sa ABS-CBN niadtong Hulyo 3, dungan sa usa ka selebrasyon alang sa 95th birthday sa kanhi First Lady nga si Imelda Marcos.
Miingon si Darryl nga magsugod na sila og shooting sa bag-o nga series katong Septyembre. Apan wala na niya hisguti ang uban nga detalye sa maong proyekto, apil na ang mga casts niini.
Wala pa usab mahibaw-i kun kanus-a mogawas ang maong nga series.
Sa laing bahin, kauban ni Darryl sa selebrasyon sa adlaw nga natawhan sa kanhi first lady ang mga “Maid in Malacañang” cast members nga sila si Cesar Montano, Ruffa Gutierrez, Diego Loyzaga, Cristine Reyes, Beverly Salviejo ug Ella Cruz.
READ: Imaginary events can never be history, Binay says of ‘Maid in Malacañang’
Birthday party
Makita usab sa Instagram ni Ruffa ang mga hulagway nga gikan sa maong panagtigum.
“Happy 95th birthday, Madame Imelda Romualdez Marcos!” sey ni Ruffa sa iyang post. “Stay healthy and happy. God bless you!”
READ: Carmelite nuns denounce “malicious” depiction of nuns playing mahjong with Cory Aquino
Isip tubag sa comment sa usa ka netizen, miingon si Darryl sa usa ka Facebook post nga apil siya sa mga nag-organize sa maong party alang kang Imelda, kinsa gipanganak sa Hulyo 2.
Ang pelikula nga “Maid in Malacañang” nakadawat og daghang pagsaway tungod sa mga nakita nga “historical distortions.”
Una kini nga gipagawas niadtong 2022. Ang sequel niini nga “Martyr or Murderer” gipasundayag sa misunod nga tuig ug kini nagtuki sa assassination ni kanhi Senador Benigno “Ninoy” Aquino Jr. niadtong 1983.