Sandro Muhlach with candle vendors in Cebu. Image: Instagram/@sandromuhlach
Taliwala sa iyang padayon nga legal nga pakigbisog batok sa mga tawo nga niabuso kuno niya, si Sando Muhlach ningadto sa Sugbo diin nakiginteract siya sa mga lokal nga mga Cebuano. Iya pod kining gipasalamatan sa pag-apil niya sa ilang mga pag-ampo.
Si Muhlach nipakita sa iyang biyahe dinhi sa Cebu pinaagi sa iyang Instagram Stories niadtong Lunes, Septembre 2. Iyang gipakita ang view sa mga dagitab sa siyudad sa gabii ug ang altar sa Basilica Minore del Santo Nino de Cebu.
BASAHA POD NI NINYO:
Sandro Muhlach visits Cebu, interacts with locals
Sandro Muhlach sues 3 netizens for cyber libel
Sex abuse plaint: 2 ka GMA execs nga giakusahan ni Sandro niapela sa publiko
Iya sad nga gipakita ang photo niya nga nagngisi samtang nagkaposing siya kuyog ang mga tindera sa kandila didto sa Magellan’s Cross. Kini ang pinakauna nga nishare ang aktor sa iyang mga photo sukad nga nisugilon siya sa sexual abuse nga gibuhat diha kuno niya nga iyang giantos.
“Thank you for the prayers po,” matud pa niya ug gipun-an pa ni niya ang maong post sa folded hands nga mga emoji.
Image: Instagram/@sandromuhlach
Image: Instagram/@sandromuhlach
Image: Instagram/@sandromuhlach
Si Muhlach nifile og complaint of rape through sexual assault and acts of lasciviousness batok sa mga GMA independent contractors nga sila si Jojo Nones ug Richard Cruz didto sa Department of Justice niadtong Agosto 19.
Didto sa Senate hearing nga niimbestigar sa sexual abuse sa entertainment industry, nisugilon si Muhlach kung giunsa kuno siya gimolest ug gitudloan kuno sa paggamit og ilegal nga mga druga nila ni Nones ug ni Cruz humansa GMA Gala niadtong Hulyo 20.
Si Muhlach, sa nilabay nga buwan, nifile pod og mga cyber libel complaint batok sa mga anonymous netizen nga nishare og “defamatory” posts kabahon sa sexual abuse nga nahiagoman sa aktor.