“NAPA-STOP, look and listen” ang mga motorista sa dihang nakit-an nila ang usa ka madre nga maoy nangunay sa pagpahan-ay sa dagan sa trapiko sa usa ka dalan didto sa Manila nga ang Vito Cruz.
Niviral ug nakaani ug milyun nga mga likes ug views ang video kung diin makit-an nga gihan-ay sa madreng si Sister Constance Tecson ang traffic situation sa usa ka dalan sa Manila.
Nalingaw gyod ang mga netizen nga nakuhaan og video samtang nagman sa trapiko sa Vito Cruz ang maong madre.
Basin Bet Pod Ni Nimo:
Madre na itinuturing na pinakamatandang tao sa mundo pumanaw na sa edad 118
Additional P2K assistance for ‘tanod traffic enforcers’ pushed in Cebu City
MMDA needs 8,000 traffic enforcers to man NCR, but it has less than 2,500
Base sa maong balita, ang video kay gi-upload sa Facebook nila ni Francis ug Christie Samonte nga nilabay kuno sa maong dalan apan natanggong kuno tungod sa hinay nga pagdagan sa trapiko sa maong dapit.
Didto nila nakit-an si Sister Constance Tecson nga maoy niman sa trapiko duol sa St. Scholastica’s College sa Manila kung diin didto ra pod ang kumbento sa St. Scholastica’s Priory kung diin nagsilbi ang maong madre.
“Subukan mo wag sumunod, minus one ka sa langit. Happy Monday! God Bless the week!” Mao ni ang caption sa usa ka netizen sa iyang Facebook post.
“I was so impressed as she made sure traffic was moving well,” matud pa ni Francis nga giinterview sa ABS-CBN.
Matud pud ni Sister Constance nga, kadaghan naman kuno niya gibuhat ang paghan-ay sa dagan sa trapiko sa maong lugar isip usa sa iyang katungdanan sa kumbento sa St. Scholastica’s Priory.
Daku kuno og natabang ang iyang pagkavolunteer “Traffic enforcer” kada buntag tungod mas han-ay ug paspas nga makasud ang mga estudyange sa maong kolehiyo.
“Automatic sa akin na pag may traffic ay tumutulong ako, minsan bumaba ako ng sasakyan,” matud pa sa madre sa iyang interview pod sa ABS-CBN.
Taga-Bukidnon si Sister Constance ug nisud kuno siya sa kumbento niadtong 1991. Gawas pa sa Manila, na-assign pod kuno siya sa Cavite, Legaspi ug uban pang lugar sa Mindanao.