Ion Perez | TikTok/@perezion27, Facebook/Tarlac Forum
Dili na mopadayon ang “It’s Showtime” host nga si Ion Perez sa iya unta nga paglansar isip konsehal sa Concepcion, Tarlac.
Gipahibaw ni Ion ang iyang desisyon usa ka buwan human siya mi-file sa iyang Certificate of Candidacy.
Niadtong adlaw nga Lunes, mi-post si Ion og usa ka video sa iyang TikTok account aron sa pagpangayo og pasaylo sa iyang mga taga suporta tungod sa iyang nakab-ot nga desisyon.
BASAHA PUD NI:
Vice Ganda, Ion Perez charged with violation of cybercrime law
“Sa mga kalugar ko diyan sa Concepcion, una po, maraming salamat sa tiwala at suporta niyo na ibinigay sa akin. Pinapaalam ko lang po na hindi na po ako tatakbo o tutuloy bilang konsehal ng Concepcion,” sey pa ni Ion.
Miingon ang “It’s Showtime” host nga gusto una niya nga pangandaman ang iyang plano nga mosulod sa public service una siya mo-lansar pag usab.
“Gusto ko po munang ihanda ang sarili ko para hindi mapahiya [sa inyo] at mapaglingkuran kayo nang tama. Muli po, maraming maraming salamat sa inyong tiwala. Paumanhin po,” dugang ni Ion.
Si Ion usa lamang sa pipila ka mga celebrities nga mi-file sa ilang COCs para sa 2025 midterm elections. Apil na sa mga gustong magpapili ang aktor nga si Marco Gumabao, content creator nga si Rosmar Tan, ug si Marjorie Barretto.
Nagsugod si Ion sa showbiz niadtong 2018 isip “Kuya Escort” sa “Miss Q&A” segment sa “It’s Showtime.” Nahimo siyang host sa maong programa human sa duha ka tuig.