Kung adunay mga tawo nga labing nailhan sa ilang kusganong paghatag og bili sa ilang career growth sa ilang trabahoan, kini mao ang mga Gen Z. Kini nga henerasyon nga gilangkuban og mga batan-on naghatag og dakong bili sa personal ug propesyonal nga pag-uswag, ganahan og trabahong may pulos ug makahatag og oportunidad nga makat-on og mga butang nga makapalambo sa ilang kahanas og pagkahibalo aron sila molampos bisan sa sayo nga bahin sa ilang karera.
Ang Gen Z Crewators na sila Sherinata Said (22), Ivy Asuncion (22), ug Harry Noche (19) nakapahimos sa kahigayonan nga mulambo sa ilang karera sa ilang trabahoan: McDonald’s Philippines. Gisigurado sa McDonald’s nga mga Gen Z makakuha og world-class nga pagbansay nga ilang kinahanglanon para makaapas sa usa ka dinamiko ug kompetitibong palibot sa trabaho. Pinaagi sa lain-laing mga inisyatibo, nagtinguha usab ang McDonald’s nga maghimo ug maayo nga palibot alang sa pagkat-on ug pagtubo—dili lang alang sa mga tumong ug agenda nga may kalabutan sa trabaho, apan alang usab sa kinatibuk-ang aspeto sa kinabuhi.
“Dahil sa McDo, marami pong mga lessons learned na natutunan po. Then in the future mai-apply mo pa siya. Isa na ‘yung work hard tapos makakamit mo po ‘yung success. Do your best lang palagi,” matud pa ni Noche.
(Tungod sa McDonald’s, daghan kaayong kong nakat-onan nga leksyon. Unya sa umaabot, magamit pa namo kini. Usa na ana ang pagpaningkamot nga makab-ot ang kalampusan. Buhata lang imong best permi.)
“Noong makapasok po ako sa McDo natuto po akong makipag socialize parang humanap ng maraming friends. Para pong tumaas ang aking self-confidence. Friendly po ‘yung mga kasamahan ko sa trabaho, pati mga managers. Maganda po ang work culture kaya namo-motivate kami. Naging Crew of the Month po ako. Nakaka-proud at nakaka-build ng self-confidence,” dugang pa ni Noche.
(Pagkasulod nako sa McDo, nakat-onan nako nga makig-socialize ug makapangita ug daghang mga higala. Murag misaka ang akong kumpiyansa sa kaugalingon. Ang mga kauban nako sa trabaho ug mga managers kay maayo ug mahigalaon. Nindot ang work culture mao nga
motivated mi. Nahimo ‘sab ko nga Crew of the Month. Makaproud ug makapadugang sa kompiyansa sa kaugalingon.)
“Madami po akong natutunan at patuloy pa din na natututo. The values po na natutunan ko is how to be professional po. Natuto din po ako ng time management. Pati ang maging on time po sa work,” paambit usab ni Said.
(Daghan kong nakat-onan ug daghan pa kong makat-onan. Ang mga values nga akong nakat-onan mao ang pagka-propesyonal. Nakat-on ‘sab ko og time management. Og musulod sa trabahoan sa saktong oras.)
Pagsuporta sa mga Gen Z nga estudyante
Si Said, kinsa bag-o lang migradwat sa Western Mindanao State University nga adunay Bachelor’s degree sa Computer Science, nagsugod sa iyang pagpanarabaho sa McDonald’s isip working student sa iyang ikatulong tuig sa kolehiyo. Na-inspire sa usa sa iyang igsoon nga sakop usab sa McDonald’s family isip manager, si Said nagtrabaho isip service crew member sa McDonald’s Zamboanga sa miaging duha ka tuig ug nagpakita sa iyang determinasyon sa pagbalanse sa eskwelahan ug trabaho.
Isip usa ka working student, nakita niya ang importansya sa flexibility sa iyang trabaho sa pagdumala sa iyang gastosan sa eskwela ug pinansyal nga panginahanglan sa ilang pamilya. Bisan pa man sa pag-duty gikan alas 11 sa gabii hangtod sa alas 5 sa buntag, nagpabilin nga determinado si Said sa iyang pag-eskwela ug sa iyang trabaho.
Mao usab kang Asuncion ug Noche, nga parehas nga nakasinati sa pagbalanse sa ilang pag-eskwela ug sa pagtrabaho sa McDonald’s.
Tungod sa pagpaningkamot nga makatabang sa gastuhan sa balay ug makabayad sa iyang edukasyon, nagsugod si Asuncion og trabaho sa iyang katapusang semestre sa unibersidad. Ang iyang pagkakugihan sa iyang pagpanarabaho ug iyang kinaiya sa pagkab-ot sa kalampusan nagtugot sa iyaha nga mahimong Cum Laude sa Mariano Marcos State University sa Batac City, Ilocos Norte, nga adunay degree sa Industrial Technology, major sa Food Processing and Service Management, ug nahimong usa ka iladong service crew member nga bantog sa iyang work ethic ug dedikasyon sa McDonald’s.
Kini nahimo nga posible uban ang tabang sa mga inisyatibo sa McDonald’s sa pagsuporta sa mga working students aron magpadayon sa ilang pagtuon, makagradwar, ug makab-ot ang mas dako nga mga tumong.
“Malaking bagay po lalo na lalo na sa mga student ang mabigyan ng opportunity to work in McDo. Napakagandang trabaho po para sa mga students kasi marami pong mga benefits na ibinibigay po ang McDo. Tulad ng twenty percent discount pag nag oorder ka. May mga free meals, free uniforms. Tapos ‘yung mga students ang pipili ng kanilang schedule, kumbaga ibinibigay po ‘yung time availability ng student para makapag-aral habang nagwowork.”
(Dako kaayo og tabang labi na sa mga estudyante ang mahatagan og oportunidad nga makatrabaho sa McDo. Nindot kaayo nga trabaho para sa mga estudyante kay daghan kaayo og mga benepisyo nga gihatag ang McDo. Sama sa baynte porsyentong nga discount kung mag-order ka. Adunay libre nga mga pagkaon, libre nga uniporme. Unya ang mga estudyante mismo ang mopili sa ilang schedule, nga angay sa oras sa estudyante aron makapadayon sa pag-eskwela samtang nagtrabaho.)
Paglambo sa personal ug propesyonal nga kahanas
Bisan pa man sa mga hagit sa pagpanarabaho sa usa ka paspas nga work setting, dali nga nakakat-on si Asuncion sa pagdumala sa lain-laing mga tahas sa restaurant ug nakakuha og mga bililhon nga leksyon nga nagpalalum sa iyang pagsabot sa customer service. Bisan pa nga usa siya ka introvert, midako ang iyang kumpiyansa sa iyang kahanas sa komunikasyon ug kasagaran malampuson sa pagdumala sa mga lisod nga mga interaksyon sa kostumer nga adunay propesyonalismo—usa ka kahanas nga nagpalig-on sa iyang tinguha nga makab-ot ang management role sa McDonald’s.
Sama kang Asuncion, ang mga oportunidad sa pagkat-on sa McDonald’s nakatabang usab sa paghulma sa personalidad ni Said ug nag-awhag kaniya nga mogawas sa iyang introverted nga kinaiya.
“Bale as at first po mahirap po talaga siya. Pero habang tumatagal po siya bale parang nakukuha ko na po kung paano mag-interact ng tama. Ah, ngumiti ganyan at makikipag-interact sa customer. Halimbawa, kapag sa front counter ako, if may customer na nagtatanong, hindi na po ako nauutal. Nakikipag-usap na po ako ng direct na nakatingin sa mata. Kasi dati po hindi po talaga nauutal po ako kapag kaharap ang customer. Pero habang tumatagal po parang nasanay na po ako kung paano makipag-usap at tumingin sa kanilang mata.”
(Sa sinugdanan, lisod gyud siya. Pero samtang molabay ang panahon, murag nasabtan na nako kung unsaon pag-interact. Ah, mu-smile ug makig-interact sa customer. Pananglitan, kung naa ko sa front counter og naay customer nga mangutana, dili na ko magkanga-kanga. Makig-istorya na ko direkta ug tan-aw sa mata. Kay sauna, magkanga-kanga gyud ko basta naa sa atubangan ang customer. Pero samtang nagkadugay, murag naanad na ko kung unsaon pag-istorya ug pagtan-aw sa ilang mga mata.)
Ang kasinatian ni Said sa McDonald’s nakatabang usab sa pagpalambo sa iyang work ethic, labi na sa time management ug propesyonalismo nga napamatud-ang importante alang sa iyang pag-eskwela ug sa umaabot niyang karera.
Labaw sa tanan, giila gyud ni Said ang iyang panahon sa McDonald’s isip usa ka lugar diin ang mga empleyado gihatagan og importansya. Gipasalamatan gyud niya kung giunsa pagtagad sa management ang mga opinyon ug suhestyon sa mga empleyado, nga naghatag kaniya ug pagbati nga siya gipaminaw ug gisuportahan isip kabahin sa pwersa sa trabaho. Isip kabahin sa Gen Z, mapasigarbohon usab niyang gipaambit nga ang McDonald’s Zamboanga nag-offer og
Halal nga pagkaon, nga nagpakita sa laing bili nga giisip kaayo sa batan-ong henerasyon: ang inclusivity.
Sa kinatibuk-an, ang mga kasinatian nila Said, Noche, ug Asuncion sa pagtrabaho sa McDonald’s nagpamatood sa kapasidad sa kompanya nga mahimong usa ka trabahoan nga makab-ot ang personal ug propesyonal nga pag-uswag sa mga Gen Z.
Sama sa giingon ni Noche, “Dahil sa McDo po maraming experience po akong naranasan ganun sobrang dami. Sa McDo, natutunan ko po ang tunay na buhay at kaya ‘kong maging ‘the best’ sa ano mang gusto kong tahakin para sa pamilya ko.”
(Tungod sa McDom, daghan kaayo kong nasinati, sobra kadaghan. Sa McDo, nakat-onan nako ang tinood nga kinabuhi ug kaya nakong mahimong “the best” sa bisan usang dalan nga gusto nakong sudlan para sa akong pamilya.)
Sama niining mga Gen Z Crewators, kaya nimong mulambo sa imong karera samtang makatagamtam og personal ug propesyonal nga kalamboan isip parte McDonald’s family. Para sa dugang impormasyon alang sa mga job opportunities, mamahimong i-check ang ilang opisyal nga website dinhi.
INQUIRER.net BrandRoom/HM/BF