Unsa to? Gatuwad nang daan? Ay, Sigbin!
Don’t look now but Rodrigo “Digong” Duterte just topped a mid November Metro Manila Polls Asia survey of voters’ choices for the next president. Ug uban sa pagsaka sa rating sa survey sa kanhi mayor sa Davao mao ang pandemonium nga bugalbugal sa mga mantra sa administrasyon sama sa “tuwid na daan.” Daw nahimuot ang mga Bisdak sa pag yagayaga ning mga Tinagalog nga daw gipanghimong sagrado sa kagamhanan.
Ang “Tuwid na daan” nga sa Ininglis pa “the right road” maoy kanunay ga ipagarpar sa administrasyon ug maoy usa sa gipangamit sa pangampanya ni Secretary Mar Roxas nga maoy manok sa pagka presidente sa kagamhanan. Apan kon ilisag usa ka vowel ang unang pulong ning maong slogan ug mahimo na kining “tuwad na daan” ang Ininglis ning maong binisaya mahimong “bent over already” o “bend over now.” Sa ato pa tuwaray ang show. Sigbin ang peg.
Nakakuha si Digong og 34%. Gisundan siya ni Poe nga may 26%, Binay 22%, Roxas 11%, ug Santiago 7%. Natural lang nga manghimakak ang Malacañang ug moingon nga wa pa sila mokurog bisan pa man og pwerti na intawong iwita’s ilang manok.
Unsa may nagpaluyo sa popularidad ni Digong? Unsa kahay mga hinungdan sa iyang pagsikat? Aniay pipila ka rason nga mahimong maoy niyang “man of the hour.”
Language. Bisdak si Duterte ug gikaingon nga mao kini dila sa kadaghanan sa atong nasud. Medyo gilupig lang kini sa Tinagalog tugod kay una ang Tagalog maoy nahimong base/platform sa
Pilipino. Ikaduha, ang gamhanang traditional media tua magsibya gikan sa NCR diin Tagalog ang sinultian. Ang kadaugan ni Duterte usa ka symbolic triumph alang sa mga Bisdak. Si Carlos P. Garcia sa Bohol mao pay bugtong elected president nga Bisdak. Ug napili siya niadto pang 1957.
Geography. Ang tanang paugat sa padagan sa gobyerno gatubod sa Luzon. Ug maoy pagtuo sa kadaghanan sa taga habagatang bahin nga basi’g mas matagaa’g maayong pagtagad ang ilang lugar kon ang mamuno sa nasud taga ila ra usab. Davao, nga naa sa isla sa Mindanao, ang balwarte ni Digong ug gituohang andam mopaluyo kaniya ang mga molupyo ning maong dakong isla.
Youth sector. Daghan sa mga botante karon nga wala pa mahimugso sa panahon sa martial law mao nga wala pa kaila ang anino sa kahadlok sa pagpamuno sa usa ka diktador. Gitawag si Duterte nga strong man dictator type mayor sa Davao. Daghang abuso sa human rights sa iyang lugar apan na pa minos usab niya ang krimen. Ang iyang 27 anyos nga iyang paglingkud sa maong katungdanan nag pasabot nga nauyon ang mga tao sa iyang pamunuan. Ang mga batan-on karon nga gipanglabniha’g cellphone buot makakita’g pangulo nga mosumpo sa krimen.
Anouncement buoyancy. Si Duterte maoy pinakabag-ong midiklarar sa iyang tinguha pagpapili pagka presidente. Tungod niini daghan ang na excited sa iyang pagdagan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
