Tom Rodriguez mibalik sa showbiz human sa duha ka tuig nga pahuway

By: CDN Digital - 10 months ago

Tom Rodriguez

Grabe ang kilig nga gibati sa mga fans ni Tom Rodriguez sa iyang opisyal na nga pagbalik sa entertainment industry human sa duha ka tuig nga pahuway.

Milugwa ang gwapo kaayo nga si Tom sa Kapuso noontime show nga “All Out Sundays” ug mipakilig sa iyang mga fans sa iyang rendition sa “Ridin’ Solo” ni Jason Derulo.

Nanggawas usab ang mga hulagway sa aktor nga ga sul-ob og blue suit sa official Instagram page sa “All Out Sundays” sa samang adlaw.

“Welcome back, Tom Rodriguez! #AOSKiligForever,” matud pa sa caption sa IG post.

Migawas usab siya sa “I Date You” segment sa maong noontime show kauban ang lain pa nga mga “OG Cuties.”

“Nonstop kiligan sa ‘I Date You’ kasama ang OG Cuties sa #AOSKiligForever (Non-stop fluttering of hearts on “I Date You” with our OG Cuties on ‘All Out Sundays’),” dugang sa maong post.

Nabalita nga mibalik na si Tom sa nasud niadtong Enero og nakigkita dayon siya sa talent manager ug film producer nga si Popoy Caritativo. Apan wala pa mahibaw-i kun unsa nga mga projects ang iyang buhaton sa iya na nga pagbalik sa showbiz.

Si Tom, usa sa mga lead stars sa “My Husband’s Lover,” milarga sa America niadtong June 2022 human niya gipahibaw ang iyang divorce kang Carla Abellana.

Sa usa ka interview niadtong buwan sa Enero, miingon si Carla nga andam siya nga moatubang sa iyang kanhi bana kun magkita unya sila sa umaabot.

Tom Rodriguez, Carla Abellana divorce na: It was not a perfect relationship, but we both know how much we loved each other

Carla Abellana and Tom Rodriguez finally tie the knot!