![Jhong Hilario divorced na sa iyang British ex-wife](https://bandera.inquirer.net/files/2024/07/Jhong-Hilario.png)
Jhong Hilario
Nagbansiwag karon sa social media ang kopya sa petisyon ni Jhong Hilario nga naghangyo nga ilhon sa mga korte sa nasud ang ilang divorce sa iyang kanhi asawa, ang British national nga si Michelle Westgate.
Ang kopya sa court petition gi-share sa The Philippine Star columnist nga si Victor Agustin.
Sa maong petition, makita ang pangan ni Jhong o Virgilio V. Hilario Jr. sa tinuod nga kinabuhi ug ang pangan ni Michelle.
READ: Jhong Hilario graduates as Magna Cum Laude
“Spotted in a dimly-lit nook within Makati City Hall. Actor-councillor Jhong Hilario (finally) seeking legal recognition of his foreign divorce,” sey ni Victor sa iyang social media post.
Ang buot ipasabot ni Victor nga naaprobahan na ang divorce nila ni Jhong ug sa iyang kanhi asawa og buot niya nga ilhon usab kini dinhi sa atoa.
READ: Jhong Hilario gibandera ang song cover ni Sarina nga dunay 1.5M views na
Tungod kay wala pa giila ang divorce sa Pilipinas, didto sila sa England nila gi-file ang petisyon aron sa ilang hingpit na nga panagbuwag.
Kun mahinumduman, una nga gibahibaw sa “It’s Showtime” host sa publiko ang ilang kaminyoon ni Michelle niadtong 2007.
Nagkaila ang duha sa dihang nahimo nga kabahin si Jhong sa cast ensemble sa West End sa “Miss Saigon.”
Gikasal ang duha sa Oktobre 2005 ug human ang unom ka tuig o niadtong Hunyo 2011, mi-disisyon sila nga magbuwag na.
Human sa iyang divorce kang Michelle, mamahimo na nga magpakasal si Jhong sa iyang longtime girlfriend ug partner nga si Maia Azores. Duna silang usa ka anak, si Sarina.