Apil sila si Richard Gutierrez ug Annabelle Rama sa mga mitambong sa birthday celebration ni Barbie Imperial. | Photo: Instagram / @vina_morales
Apil sila si Richard Gutierrez ug ang iyang inahan nga si Anabelle Rama sa mga pinasidunggan nga dinapit atol sa kasaulogan sa ika 26 nga adlaw nga natawhan sa aktres nga si Barbie Imperial.
Kini nakapuno sa mga pagduda nga going stronger na gyud ang relasyon nila ni Richard ug Barbie.
Sa mga video nga gi-share ni Vina Morales sa iyang Instagram niadtong Biyernes sa gabie, Agosto 2, makita nga sadya kaayo ang maong kasaulogan nga gitambugan sa mga inila nga personalidad sa showbiz industry.
READ: Richard, Barbie spotted sa South Korea, naay something?
Makita sa usa ka video si Barbie nga naa sa stage aron sa paghatag sa iyang speech samtang si Richard naglingkod sa atubangan ni Vina og nag tan-aw sa dalaga.
Image: Instagram/@vina_morales
Sa laing video, makita ang singer nga si Joey G nga mikanta og “Don’t Know What to Say (Don’t Know What to Do)” sa stage samtang gatapad og lingkod sila si Barbie ug Richard. Sa susamang video, makita si Annabelle nga mipahiyom sa camera.
READ: Barbie Imperial mipalag sa fake news nga mabdos siya
Image: Instagram/@vina_morales
Image: Instagram/@vina_morales
Exclusively dating
Milugwa ang mga intriga mahitungod sa duha niadtong Enero human sila makita sa usa ka gastropub sa Alabang. Daghan ang nagduda nga dating sila si Barbie ug Richard.
Nasundan kini sa ilang pagsuroy sa South Korea niadtong Mayo.
READ: Barbie Imperial nag gym bonding kauban si Richard Gutierrez?
Human niini, nag post si Barbie og gym photo kauban ang usa ka mystery man nga mura ba og nagpa soft-launch sa “Iron Heart” actor. Daghan ang nagtuo nga si Richard ang lalaki nga iyang kauban sa gym.
Matud pa sa showbiz insider nga si Ogie Diaz nga “exclusively dating” ang duha. Nakuha kuno niya ang maong impormasyon gikan sa usa ka reliable source.
Karong bag-o lang, nakita usab si Barbie sa haya ni Alexa, ang sister-in-law ni Richard, nga mipanaw na tungod sa iyang sakit nga leukemia.
Sa laing bahin, gi-kumpirmar sa kanhi asawa ni Richard, nga si Sarah Lahbati, ang ilang panagbuwag niadtong buwan sa Marso ug “single” na kuno siya sa pagkakaron.
Apan wala na siya mo kumintaryo pa sa gituohan nga relasyon nila ni Barbie ug Richard.