Hot topic karon sa mga Marites kun unsa gyud ang tinuod nga estado sa relasyon nila ni Barbie Imperial ug Richard Gutierrez.
Daghan usab ang nangutana kun si Richard ba ang lalaki nga naa sa likod sa iyang mirror selfie nga kuha sa usa ka gym ug iyang gibandera sa iyang Instagram story.
Wala ma klaro ang hitsura sa lalaki nga busy kaayo sa iyang pag-gym apan daghan ang nagtoo nga si Richard kini.
READ: Richard, Barbie spotted sa South Korea, naay something?
Gani, dunay mga mi-post sa Instagram story ni Barbie sa Reddit website nga gikumentaryohan dayon sa mga netizens.
Dunay mga nag-ingon nga na-disappoint sila kang Barbie ug nanghinaot nga unta mopili siya og lalaki nga walay asawa ug mga anak.
‘Bantay Sarado’
Dili kini ang unang higayon nga na-intriga sila si Barbie ug Richard.
READ: Richard Gutierrez, Barbie Imperial walay relasyon, matud ni Ogie Diaz
Sa dihang milugwa ang balita sa panagbuwag nila ni Richard ug sa iyang asawa nga si Sarah Lahbati, migawas pud ang chismis sa pagka “bantay sarado” kuno ni Barbie sa usa ka bar sa Alabang.
Apan midepensa si Cristy Fermin sa iyang showbiz show ug miingon nga dili tinuod nga dunay relasyon ang duha.
READ: Sarah Lahbati miangkon nga buwag na sila ni Richard Gutierrez
“Sa isang banda, ako’y naaawa naman kay Barbie imperial. Unang- una, wala naman pong katotohanan na may relasyon sila ni Richard,” matud niya.
Dugang ni Cristy nga nagkaabot lang ang duha sa maong bar.
READ: Richard Gutierrez gustong kuha-on ang duha ka anak gikan kang Sarah Lahbati?
“Umupo lamang po si Richard sa tabi ni Barbie. Wala pong katotohanan na binantayan niya si Barbie hanggang CR. Kalokohan po ‘yun, OA na po yun to the highest degree.”
Bakasyon sa South Korea
Apan wala gyud mahunong ang pag-intriga sa duha.
Dunay nga nag-ingon nga mura og kuyog sila nga mibakasyon niadtong Holy Week tungod kay pareho ang background nga ilang gi-share sa ilang Instagram.
Ug karong bag-o lang, nakit-an sila nga nagkuyog nga mibakasyon sa South Korea.
Wala pay giluwatan nga kumentaryo sila si Barbie ug Richard sa pagsuwat ning maong balita.
