Xian Gaza ug Kumpuy.
It’s confirmed!
Buwag na ang self-proclaimed nga lalaking Marites nga si Xian Gaza sa iyang Thai fiancèe nga si Kumpuy.
Sa iyang Facebook post niadtong August 4, mipakita si Xian og screenshot sa iyang pakig-istorya sa usa ka babaye kun diin iya kini nga gipahibaw nga single na usab siya.
Base sa maong screenshot, usa ka buwan na ang milabay o niadtong Hulyo 6 nagbuwag sila si Xian ug Kumpuy.
Giklaro usab ni Xian nga walay malisya kun makig-istorya siya sa laing babaye.
READ: Xian Gaza engaged na, nangutang og P100k kang Boss Toyo para ipalit og singsing
“Walang malisya or anything. Ako’y nabighani lamang sa kanyang kagandahan ng siya’y aking masilayan sa Friend Requests. Inappreciate ko lang,” sey ni Xian.
Single na usab
Taudtaud nang mikatap sa social media ang chika sa panagbuwag nila ni Xian ug Kumpuy, apan karong bag-o lang kini niya gipahibaw sa publiko.
READ: Xian Gaza sa BINI: Kung gusto n’yo ng privacy, huwag tumambay sa labas!
Sa milabay nga buwan, migawas ang hungihong sa ilang panagbuwag human ipahibaw ni Kumpuy sa iyang Facebook post nga single na usab siya. Naghilak usab kini nga nakigstorya sa iyang mga viewers sa usa ka TikTok video.
Apan nagpabilin nga tak-om si Xian sa maong issue.
Wala pay usa ka tuig sukad nga mi-propose si Xian kang Kumpuy.
Niadtong Pebrero 17, gibandera ni Xian sa iyang social media ang nangutang siya kang Boss Toyo aron ipalit sa engagement ring nga iyang gihatag sa dalaga.