Xian Gaza ug ang iyang fiancee.
Gibandera sa tibuok universe sa kontrobersyal nga social media personality nga si Xian Gaza nga engaged na sila sa iyang partner.
Sa usa ka Facebook post, gibalita ni Xian nga mi-propose na siya sa iyang girlfriend apan wala na niya kini higangli og kinsa.
Ang iyang post gikuyogan usab niya og hulagway kun diin makita siya nga miluhod samtang ga sul-ob og singsing sa iyang girlfriend.
Base sa maong hulagway, mura og sa Marina Bay Sands sa Singapore nahitabo ang maong marriage proposal ug engagement.
“Kung palagi na lang akong matatakot sa mga nangyayaring hiwalayan eh ‘di hindi ko na mararanasan ang tunay na kaligayahan,” caption ni Xian sa iyang FB post.
Aduna pud siyay gi-post nga video sa maong marriage proposal nga iyang gibutangan sa caption nga, “I thought marriage is just a paper, ’til I met you.”
Wala ikauwaw ni Xian, kinsa mi-angkon nga nangutang siya og kwarta para ibayad sa engagement ring nga iyang gihatag sa iyang partner.
“Hindi ako liquid ngayon kaya umutang ako ng PHP100,000 kay Boss Toyo pambili ng singsing,” matud ni Xian nga ang gipasabot mao ang rapper-content creator nga ginegosyo ang pagpamalit og mga gamit gikan sa mga elado nga personalidad ug celebrities.
Midugang si Xian, “Kahit naghihirap na ko at walang pera eh gagawan ko ng paraan kasi naniniwala ako na walang babae ang may deserve ng 299 ring mula sa Shopee.”
Ang iyang gipasabot mao ang nag viral nga social media post sa usa ka babaye nga mipagawas sa iyang kasagmuyo human siya hatagi sa iyang uyab og baratohon nga engagament ring.
“Kung hindi ko kayang diskartihan ang isang decent engagement ring, paano pa kaya yung kinabukasan naming dalawa at ng magiging anak namin?” hirit pa ni Xian Gaza.
RELATED STORIES
Xian Gaza may tip para umasenso: ‘Mang-estafa ka!’
