John Estrada
Naduhig na sa daghan nga kontrobersiya ang pangan sa aktor nga si John Estrada, ug kasagaran niini dunay kalambigitan sa mga babaye.
Apan matud ni John nga dili niya malikayan nga maduol siya sa mga babaye tungod sa iyang pagka friendly.
Nahisgutan ni John ang maong issue atol sa iyang interview sa “Rated Korina” kauban si Korina Sanchez.
READ: John Estrada ni konpirmar nga buwag na sila ni Priscilla Merielles
Sa maong magazine show gipangutana ni Korina si John kun ngano nga ‘habulin’ siya sa mga babaye ug bisan pa man sa iyang pangidaron karon, daghan gihapon ang nagkagusto niya.
“Honestly Ms. K, hindi ko rin alam. I don’t consider myself habulin,” sey ni John.
READ: IN THE SPOTLIGHT: The highs and lows of John Estrada’s love journey
“Totoo ba ‘yan?” dali nga tubag ni Korina.
Midugang si John, “Hindi talaga, alam ko lang, medyo friendly ako…”
Kun mahinumduman, daghan na pud og naagi-an si John kauban ang mga babaye sa iyang kinabuhi, apil na ang una niya nga asawa nga si Janice de Belen.
READ: John Estrada declares love for ‘one and only queen’ Priscilla Meirelles
Atol sa noontime program nga “MTB,” na-link usab siya sa iyang co-host na si Vanessa del Bianco.
Human sa pila ka tuig, nagpakasal pag-usab si John sa beauty queen nga si Priscilla Meirelles.
Kaong bag-o lang ila gipahibaw sa publiko ang ilang desisyon nga magbuwag na.
Kini human molugwa ang balita nga dunay babaye nga kauban kuno ni John sa Boracay. Gani, gihinganlan pa ni Priscilla ang maong babaye.
Human sa pipila ka adlaw, gipahibaw ni John sa iyang Instagram nga mutual ang ilang desisyon ni Priscilla nga magbuwag na. Apan dali nga giklaro ni Priscilla nga dili kini tinuod.