Chloe San Jose
Laing kontrobersiya na usab ang mikatap sa social media mahitungod sa uyab ni two-time Olympic gold medalist Carlos Yulo nga si Chloe San Jose.
Matud pa sa latest chika nga dunay anak si Chloe sa iyang pagkadalaga.
Usa ka netizen ang mi-kumentaryo sa post ni Chloe og miingon kini nga duna na siyay anak.
READ: Mama ni Carlos Yulo: Uyab sa anak tinubdan sa pakigbikil nila
Wala gyud palabya ni Chloe ang maong kumentaryo.
Apan imbes nga iyang i-deny ang maong chika, gihagit na hinuon ni Chloe ang maong netizen nga ipakita ang iyang gikaingon nga anak.
READ: Carlos Yulo adunay mensahe sa amahan: ‘Mahal na mahal kita’
“Bigyan kita ng award pag nahanap mo yung anak ko na sinasabi mo,” tubag ni Chloe sa maong kumentaryo.
Gi-delete na ang kumentaryo sa netizen mao nga lisud na nga subayon kun unsa gyud ang iyang gisulti kang Chloe.
Sa laing bahin, nakakuha og nagkalain-lain nga reaksyon sa nahimong tubag ni Chloe sa akusasyon nga duna siyay anak.
Mura og wala pa gyud mahuman ang mga kontrobersiya nga may kalabutan nila ni Carlos ug Chloe.
Sa sayo pa, nagkagubot sila si Carlos ug ang iyang inahan nga si Angelica tungod sa pagsuporta niini sa atleta nga gikan sa Japan.
Misunod dayon ang pagtinubagay sa duha ka kampo. Karong bag-o lang daghan sa mga netizens ang miingon nga wala sila makauyon sa pagbinastos nga gibuhat ni Chloe kang Angelica.
