The Southern Thunder.
Sa mga batan-ong gipang isnatsag
cellphone ug sa mga biktima sa kurapsyon ug krimen, siya ang ilang gi-imagine nga manalipod kanila. Sa mga human rights activists, siya ang way kaluoy nga mokuha sa kinabuhi sa uban. Siya si Rodrigo “Digong” Duterte, ang mayor sa dakbayan sa Davao, nga kang kansang pagpahibawo sa iyang plano pagdagan pagka presidente maoy hinungdan kon nganong nabuhi ang politikanhong dugo sa mga nanimuyo sa habagatang bahin sa atong nasod.
The Preacher’s Daughter.
Tungod kay gi-market man si Rhonda Rousey nga daw rock star ug sex symbol, gi-emphasize sa kampo ni Holly Holm ang pagka local girl sa ilang fighter ug gitawag nila kinig “the preacher’s daughter” kay ministro man ang amahan niani. Sa ilang pagbangga sa Australia, usa ka upset ang nahitabo kay gi-knock out man ni Holm si Rousey sulod sa 59 seconds sa second round.
The Steve Harvey Blues.
Nakuha sa Pilipinas ang ika-tulong korona sa Miss Universe pinaagi sa kadaugan ni Pia Wurtzbach nga taga Cagayan de Oro. Apan dili kini maoy mahinumdoman sa maong sikat nga pageant. Ang sipyat sa host nga si Steve Harvey pagproklamar sa tinuoray nga mananaog maoy dakong balita sa tibuok kalibotan.
The Mamasapano Massacre.
Dunay 44 ka sundawo sa Special Action Forces (SAF) ang nawad-ag kinabuhi sa suba ning maong lugar sa Maguindanao sa Enero ning tuiga sa ilang operasyon pagkuha sa usa ka terorista nga nagtago didto. Nahitabo kini tungod kay way klarong komunikasyon sa lainlaing kampo sa atong militar. Daghan pang pangutana ang wa matubag kabahin ning maong hitabo.
Living by the threes.
Kapin sa walo ang mga sinaligang three-point sharpshooters sa Golden State Warriors nga maoy nidala nila ngadto sa pagka champion sa NBA. Dunay niingon nga you can’t win a championship based on three point shots. Apan ginamit ang ilang mga hingigo, nagpadayon pagdominar ang Warriors sa maong liga.
The baby by the holy water basin.
Mahimo ba nga pangulo sa nasod ang usa ka bata nga kinit-an lang (foundling) sa butanganan sa tubig sa pangurusan? Mahimo kon sakto ang iyang citizenship ug ang iyang residency. Mao kini karon ang mga issues nga giatubang ni Sen. Grace Poe sa iyang pagdagan pagka-presidente.
Ang binlod nga nahimong unod.
Gituohan nga binlod lang si Donald Trump sa iyang pagdagan isip kandidato para sa Republican party nominee for president. Apan ang dakong kalagot sa mga Amerikano sa status quo sa ilang politika nagpalig-on sa iyang kampanya. Daghan na nga giinsulto ug gibalikas si Trump sa iyang kampanya, apan matag pamalikas niya ug pang-insulto, mosaka man hinuon ang iyang rating.
Dinhi lang sa ta kutob. Sumpayan ta lang kini sunod nga lindog.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
