Nagpa-tattoo og pink ribbon si Kaye Abad atol sa kasaulogan sa Cancer Survivors Month karong buwan sa Hunyo.
Usa ang Kapamilya actress sa daghan nga nakasinati og breast cancer, milahutay sa iyang pagpatambal ug naayo na sa maong sakit.
Makita sa Instagram post sa tattoo studio nga 032 Tattoo ang mga hulagway ug video clip ni Kaye samtang nagpa-tattoo sa iyang kilid.
BASAHA PUD NI: Thieves steal Kaye Abad’s bag, passports in Las Vegas
Ang pink ribbon kalibutanon nga simbolo sa breast cancer awareness. Nag simbolo usab kini sa paglaum, kusog, ug ang ka-importante sa early detection.
“So grateful to do this tattoo. This ribbon stands for the quiet battles and victories of a cancer survivor.”
“Thank you, (Paul Jake Castillo) and (Kaye Abad) for trusting me and 032 Tattoo,” matud pa sa caption nga gisuwat sa tag-iya sa 032 Tattoo ug tattoo artist nga si Chow Abinales.
Gi-share usab ni Kaye sa iyang Instagram ang post ni Abinales.
Sa sayo pa, nag-post usab si Kaye sa iyang IG sa iyang kaugalingong hulagway aron sa pagsaulog sa Cancer Survivors Month kuyog ang mesahe alang sa mga sama niya nga naayo na sa Big C ug alang niadtong mga nagpadayon pa sa ilang pagpakigbatok sa maong sakit.
“We celebrate every survivor, every scar, every silent battle, every tear, every prayer, and every victory.”
“What we went through was never easy, but here we are… still fighting, still standing, still choosing hope.”
“To everyone who continues this journey, know that your strength inspires more people than you realize,” dugang ni Kaye.
Dungan sa kasaulogan sa iyang ika 44 nga adlaw nga natawhan ni adtong buwan sa Mayo, gipahibaw ni Kaye sa publiko ang iyang journey sa pagbatok sa breast cancer ug gi-unsa niya pag lahutay sa maong sakit.
