Binibining Cebu (or the politics of pageants)

Gerard Pareja

Matud pa, gitangtang sa atong mayor ang Miss Cebu Pageant nga paga himuon atol sa Sinulog, kay alang kaniya para lang kinis manga datu.

Ambot kon unsay basihanan ni Tomas ning maong panahum. Di ba lakip man siya sa mga sapian ning atong katilingban? Sa ato pa apil siya sa grupo nga nauyon ning maong kalihukan.

Kon alang lang kinis mga sapian, sa ato pa way gusto niani ang mga kabus. Giunsa kaha ni Osmeña pag obserbar ang mga bagang panon sa iyang mga botante. Wa diay siya ka suroy sa mga barangay ug sitio diin nga nangaungo intawon ang mga molupyo og mga pageant, gikan sa rayna-rayna paingon ngadtos Ms. Gay.

Dakug purohan nga ang iyang pagkamadinumtanon maoy hinungdan sa iyang pagwagtang sa activity. Maurag wa pa g’yud siya kutasig panggukod sa mga midapig sa iyang manok nga mi-pelde kaniya nga si Mike Rama. Pwerti nang dugaya ni Mike nga nangulo sa mga kalihukang kultural nga naglakip sa Miss Cebu. Ug tungod niani suod na ni Rama silang tanan ug maurag misuporta sila kaniya. Maong giwagtang na lang ni

Tomas ang pageant para ma tabla kuridas ang mga midapig sa iyang kaatbang.

Enter Dino. Si Michael Dino, nga maoy sinaligan ni Digong sa Visayas ug maoy bag-ong source sa sapot ni Tomas, mi-join forces nila ni Carry Santiago, sa Sacred Heart School for Boys Batch 1985, mga negosyante ug mga artist para paghatag sa kinaham sa kadaghanan, ang pinakadakung pageant nga gilusad sa Cebu, ang Binibining Cebu nga may makabungog nga 54 ka kandidata, kay matag lungsod duna may ilang manok.

Kasagaran sa mga kandidata mga nanaug na sa laing pageant. Dakug purohan nga may nailhan kamo ning maong lista: Ethel Elic (Alcantara); Vida Reya (Alcoy); Guivenchy Abundo (Alegria); Richie Go (Aloguinsan); Tracy Perez (Argao); Samantha Lo (Asturias); Apriel Smith (Badian); Blessed Migallen (Balamban); Maria Gigante (Bantayan); Charissa Tabar (Barili); Nicole Pilapil (Bogo City); Lersly Gonza (Boljoon); Jarred Mangubat (Borbon); Katrina Porter (Carcar City); Moselblick Madera (Carmen); Trixie Medalla (Catmon); Khyra Adams (Cebu City North); Warlyn Gallaza (Cebu City south); Lyka Galeos (Compostela); Marie Rios (Consolacion); Karen Mendoza (Cordova); Luzenne Jones (Daanbantayan); Lou Pecson (Dalaguete); Kathleen Lendio (Danao City); Phyllis Saromines (Dumanjug); Solidad Alcojedo (Ginatilan); Catherine Codilla (Lapu-Lapu City); Theresa Enoc (Liloan); Monica Tawide (Madridejos); Jocelyn Ampil (Malabuyoc); Malka Shaver (Mandaue City); Nica Nabua (Medellin); Ingrid Gerodias (Minglanilla); Shaira Belamia (Moalboal); Sollaire Rallos (Naga City); Faith Perez (Oslob); Marjorie Campoamor (Pilar, Camotes); Elsa Trinidad (Pinamongahan); Sharmaine Richards (Poro, Camotes); Megan Campbell (Ronda); Gretchen Bilagantol (Samboan); Katie Sanders (San Fernando); Therese Llamada (San Francisco, Camotes); Sherlyn Uy (San Remigio); Natasha Manuel (Santa Fe); Jhanessa Ancao (Santander); Pia Gabuya (Sibonga); Jalane Rivera (Sogod); Kylah Sanchez (Tabogon); Queenie Eboña (Tabogon); Jaqueline Pedotti (Talisay City); Phoebe Godinez (Toledo City); Monique Acha (Tuburan); Shane Jereza (Tudela).

Tingali mao na kini ang unang lakang sa politika ni Dino.

Ang pageant pagahimuon sa Octobre 28 nga mao say adlaw natawhan ni Mike Rama.