Ayaw mo’g welga nga alang-alang

Ang  akong panawagan  nilang  Greg Perez  head  sa PISTON – Cebu (Pagkakaisa  ng mga Samahan ng Tsuper at Operator  Nationwide) himoon   nilang  usa  ka semana  o ba  kaha  usa  ka  buwan kining ilang  mga rally  ug welga sa transportasyon  aron  babagan ang implementasyon  sa Joint Administrative  Order  (JAO 2014-01)  nga nagpataas sa multahan sa traffic rules and  regulations.

Kining  kawsa nila  ni  Perez  makatabang  baya kini  sa tanan kay  dagko  ra gyud  kaayo ang  bayranan.

Dili baya  lalim  kung kitay  matungnan sa  panahon  sa dimalas  kung simbako  mokalit  lang  ug kapalyar ang  mga  parte  sa atong  gimaniho  nga sakyanan samtang  magbiyahe  kita sa  kadalanan.

Dili  raba gyud matagna ug  usahay  mataymingan  nga wa  pay  ikapuli  dayon.

Ang  nakadaut  nilang  Perez  kay  tagtunga ra  sa adlaw ang  ilang  welga.

Kining  mga  mugbo’g  kawsa  dili  kaayo  makakuha  ug  simpatiya sa  katawhan.

* * *

Kagahapon  Setyembre 30 maoy katapusang  adlaw   ni  Cebu City Prosecutor  Nicolas  Sellon sa  iyang  katungdanan. Apan  wa  na gyud  siya  mamirma  sa  mga  dokumento gawas  lang  sa mga inquest  cases.

Akong  nakita  nga   nang-impake  na  siya sa  iyang  mga personal  nga  mga  butang  ug  ang  iyang  mga staff  nag-andam  ug  mga surprise  number.

So effective karong adlawa,  October  1 subay  sa  optional retirement  ni Sellon, si  Deputy City Prosecutor Maria  Luisa Ratilla   maoy   mahimong  Officer-In-Charge (OIC) ug   kasamtangang  maoy   mopadayon sa  mga  gimbuhaton  ni  Sellon samtang  wa pay  ibutang  nga Cebu City  Prosecutor.

Si  Sellon  miingon   nga   mo-relax   una  siya  ug  possible  nga mag-private  practice siya  sa   umaabot   nga mga adlaw.

Siya   naglaum   nga  mopadayon  ang   mga piskal  nga mag-opisina diha sa ground floor  sa  Palace of Justice kay   maoy  pinaka-convenient  nga   opisina kay sa  Quimonda IT Center ug  sa  ubang  mga   building.

Kagahapon  naka-isyu  na   ug direktiba  si  Regional  State Prosecutor Fernando Gubalane nga  nag-designate kang piskal Ratilla nga maoy  OIC.

* * *

Wa  pa gyud   ma-undang ang  mga  pamalikas   sa katawhan bahin  niadtong kalihukan sa adlaw’ng  Domingo  nga naghatag  ug grabeng  traffic  sa  mga dagkong  kalsada dinhi  sa dakbayan  sa  Sugbo.

Sama  lagi sa  akong  giingon  nga   kung gipahigayon  pa  ang  maong  kalihukan  gikan sa alas 2:00  sa   kadlawn  hangtud alas 6:00 sa buntag  gamay  ra ang  mga   masagmuyo kay  sa  alas 3:00 sa  hapon  hangtud  alas 7:00  sa  gabii.

Wa gyuy  magbagolbol   kung  adto  sila   mag-bike, mag-hike  ug  mag-skate boarding  sa South  Road  Properties  (SRP) dala  ang  ilang mga buhi.

Sa  sunod  Mayor Mike  Rama,  konsultaha   intawn   ninyo  ang publiko  kay  wa   ta  mag-abli ug  kalsada  nga  himoong  tambayanan ug  kalingawan  sa  ubang  mga  tawo  nga  kutob  ra  sa  pasikat.

* * *
Naluoy  gyud   ko sa  usa  ka  fish  vendor  sa  Barangay  Lahug kay  bisag  wa   na  maninda sa  iyang  mga  isda  daplin sa  kalsada  ug   atua na nag-abang sa ground  floor  sa  usa  ka panimay  ug   tago  na gyud  kaayo,  apan gipangsakmit gihapon  ang  iyang mga tinda nga   isda  sa  mga tawo  ni  Raquel  Arce  sa PROBE nga kanhi SPEED   kaniadtu.

Ang rason  kay  gidili gyud  makatinda ug mga  isda  gawas  sa  merkado  sa Lahug   kay  nahug  kini  nga   nakig-kompetensiya sa  mga  legitimate  vendors o  mga vendors  nga  maoy gitugtan  nga makapaninda sulod  sa  merkado.

Wa gyud   ko  makasabot  niining  maong  paagi   nilang  Arce  nga  managinot   sa  mga  nanginabuhi  ug ginagmay.

Wa   ko’y supak  nga  ilang  pang-birahon  kadtong  mga  tinda daplin sa dalan ug  ni-tongtong  sa   mga gutter    nga   naghatag ug   kasamok sa  mga  pedestrian.

Pero kadtong  ilang  pagbira bisan  tago  na  kaayo, mahug  nga binuhatan  na  kadto sa  mga tawo nga   abusado  kaayo sa  katungdanan.