PHOTO: Instagram/@andieigengirl
Sa unang higayon, nakakita na gyud og “alone time” ang celebrity couple nga sila si Andi Eigenmann ug Philmar Alipayo.
Nakahiyagon na gyud ang duha nga mag date sa Manila nga wala ang ilang mga anak.
Sa usa ka Instagram post, makita ang video compilation kung diin sweet kaayo ang duha.
Apil na sa ilang gibuhat sa ilang date ang pagkaon sa restaurant ug pagtan-aw og sine.
“First date without the kids,” caption ni Philmar sa iyang IG post.
Nag post usab si Andi sa iyang IG Stories ug iyang gihisgutan nga nagkita sila ni Philmar sa Manila human sa usa ka event nga iyang gitambungan.
“[Philmar] and I met up in Manila for a day! First time without our kids. [Who this]?” sey pa niya.
Proud kaayo nga ni bandera ni Andi ang ilang date sa iyang partner nga si Philmar.
Iya usab nga gihisgutan ang pipila ka dating tips apil na ang iyang gitawag nga “2-2-2 rule” sa usa ka relasyon.
“Apply the 2-2-2 rule —— every 2 weeks go out on a date, every two months go out the island or somewhere for the weekend and every 2 years go out the country for a week or two [heart emojis] My rule in my relationship,” matud pa ni Andi.
Daghan sa mga netizens ang gikilig sa ilang sweet moments ni Philmar. Ani ang uban sa ilang mga comments:
“True love [red heart emoji]. You guys are my ideal couple [emojis].”
“Bakit ang cute niyo? Ang saya naman ng date niyo! [red heart emojis].”
“Sana All! Stay inlove sa inyong dalawa. Sa hirap at ginhawa [red heart emoji].”
“Ang sweet naman ng dalawa minus the kids..enjoy the moment Andi and Philmar.”
Kun mahinumduman, na engage na niadtong 2020 sila si Andi ug Philmar.
Niaadtong 2018, mi desisyon ang duha nga didto na mopuyo sa Siargao kauban ang ilang mga anak nga sila si Lilo ug Koa, apil na si Ellie nga anak ni Andi kang Jake Ejercito.
Gawas sa pag-atiman sa ilang pamilya, busy usab ang duha sa ilang negosyo nga surfing school ug snack bar.
Niadtong Agosto, gitubag ni Andi ang kumentaryo sa mga taw nga judgemental kaayo sa ilang relasyon sa iyang fiancé nga si Philmar.
Matud pa sa kanhi aktres, nakahibaw siya nga daghan ang wala makauyon sa ilang panag-uban tungod kay managlahi ang ilang kinabuhi.
Apan iya kining giisip nga pagsuway lamang aron makasiguro kun si Philmar na ba gyud ang iyang gusto nga ikauban.
“We did face a lot of judgment because we come from very different backgrounds, but it’s either from people who don’t know us or refuse us or get to know us, you know, our backgrounds,” sey pa ni Andi.
Dugang niya, “And honestly, hearing this and reading those things from other people made me more sure of my decision to be with him or to choose this kind of life.”
Nahisgutan usab sa aktres nga daghan ang nakasulti nga swerte si Philmar kaniya, apan ang tinuod, silang duha ang swerte nga nakita nila ang usag-usa.
Matud niya nga dili basihan ang kadatu o ang edukasyon aron mabuhi kay kamao kaayo mangita og paagi si Philmar alang sa ilang pamilya.
RELATED STORIES
Andi Eigenmann inspires fans with her fitness journey
Andi Eigenmann’s son Koa learns to surf: ‘Of course, this guy had to have a go at it too!’
Andi Eigenmann shares surf session photos with fiancé Philmar Alipayo and daughter Lilo