Vice Ganda at Rendon Labador
Wa pa gihapon lung-i sa social media personality ug motivational speaker nga si Rendon Labador ang Phenomenal Box-Office Star nga si Vice Ganda.
Gusto god ni Rendon nga mangayo og pasaylo ngadto niya ang TV host-comedian kay para kuno kini sa kaayohan ug kalinaw kuno sa tibuok Pilipinas.
Gipaagi sa kontrobersyal nga socmed personality sa iyang Instagram story ang panawagan niya ngadto ni Vice Ganda, ug nihatag pa gyod og “password” kung unsay isulti sa beteranong TV host sa iyang pagpangayo og pasaylo para maayo na ang tanan.
“Tandaan mo ang password para sa katahimikan ng Pilipinas: I’m sorry Rendon hindi ko na uulitin,” mao ni ang makita sa IG story ni Rendon.
READ MORE: Vice Ganda: ‘Hindi ko na masukat ang yaman ko ngayon’
Nibira pa gyod siya sa Unkabogable Star, “Baka mawalan ka ng show dahil sa pride mo. Kawawa naman yung partner mo na umaasa lang sayo di ba?”
Wa pa gyod makontento si Rendon tungod kay nipost pod siya sa IG diin prangka kini nga nisugo sa “It’s Showtime” nga mo-issue na og public apology.
Ang nakabunta-og nga hagit para ni Vice sa Instagram story ni Rendon, “Ipakita mo sa mga taga suporta mo na karapat-dapat ka sa suporta nila.
READ MORE: Rendon Labador: ‘This is the end of Vice Ganda’s era!’
“Mag-PUBLIC APOLOGY ka na para makuha mo ang respeto ko. Madami kang taga suporta na mahina ang utak, tulungan natin sila,” matud pa ni Rendon sa iyang isog kaayo nga bira ngadto ni Vice.
Ang punto kuno ni Rendon sa iyang pagmaymay ni Vice, nga basin makatabang og dako ni Vice Ganda ug Ion Perez ang simpleng pagpangayo og pasaylo ngadto sa publiko human sila gisilotan sa Movie and Television Review and Classification Board (MTRCB).
Gisilotan sa MTRCB og dose ka adlaw nga suspenso ang “It’s Showtime” kabahin kuno sa “indecent acts” nila ni Vice ug Ion sa dihang naghinungitay sila og icing sa ilang “Isip Bata” segment.
Gilinaw pod ni MTRCB Chairperson Lala Sotto nga wa siya moapil sa mga opisyales sa mga MTRCB nga nibotar nga suspensohon ang airing sa “It’s Showtime” sa dose ka mga adlaw.