Erik Santos ug Angeline Quinto
Gipakita sa Prince of Pop nga si Erik Santos kung unsa ang iyang kaya nga buhaton aron sa pagproteka sa iyang amiga ug kauban nga singer nga si Angeline Quinto, bisan pa man ug moabot sa punto nga siya na ang mabutang sa alanganin.
Apan giatake pud sa nerbiyos si Angeline sa dihang gitubag ni Erik ang manager sa usa ka restaurant nga misita kanila.
Gisabaan kuno ang manager samtang nag vlog ang duha. Gawas niini, nagdala pud si Angeline og kaugalingon nga kan-on ug lutoanan sa sulod sa resto.
Ang ilang video makita sa “Date or Pass” nga vlog ni Angeline. Makita usab sa video ang pila ka higayon nga miduol ang manager aron badlungon si Angge.
Matud sa manager, saba kaayo ang duha nga nagshoot sa vlog. Gibadlong usab sila sa pagdala og kan-on nga naa sa sulod sa rice cooker.
Wala usab palabya sa manager ang pagdala ni Angeline og luto-an aron didto initon ang gipalit nila nga pagkaon. Gisultihan pa sila sa maong manager nga pabiyaon sila kun dili sila mo hilom.
Tungod niini, makita sa video nga naglagot na si Erik sa resto manager tungod kay wala na siya makauyon sa mga gipangsulti niini kang Angge. Matud niya, mahimo ra unta sila nga storyahon og tarong.
“You don’t have to yell. You don’t have to yell at us. You can say it in a nice way!” matud ni Erik.
Misuway og pasabot ang manager nga gitubag ni Erik, “Yeah but you don’t have to raise your voice. You are not nice at all.”
Tungod niini, mibarug si Erik og giingnan si Angeline nga manglakaw na lang sila og sa laing lugar na nila tiwason ang vlog.
Dinhi na mi-angkon si Angeline nga, “It’s a prank!”
Sa walay pag duha-duha, gi duol dayon ni Erik ang taw nga nagpaila nga resto manager ug ang duha ka crew sa restaurant nga gikuntsaba ni Angeline aron mag sorry. Iya usab nga gigakos ang maong lalaki.
Gigakos usab ni Angeline si Erik nga klaro kaayo nga na-shock sa pag prank kaniya, usa kini mikatawa.
“Alam mo, ayoko kasing ginaganu’n ka!” matud pa niya.
“Kinakabahan na ‘ko kanina pa, parang sasapakin na ni Erik Santos yung manager,” matud ni Angge sa iyang vlog.
“Pero nakita n’yo kung gaano ang concern sa akin ni Erik, ‘di ba?” dugang pa niya.
Mi-angkon si Angge nga wala siya magdahon nga ingon ato ang mamahimong reaksyon ni Erik.
“Alam mo Ge, hindi ako madaling magalit. Pero pag feeling ko dini-disrespect ka, medyo nati-trigger ako. Ha-hahahaha!” sey ni Erik.
Misulti si Angge sa iyang vlog, “Ganu’n lang talaga si Erik ipinaglalaban lang niya ang respeto sa kapwa.”
RELATED STORIES
Angeline Quinto: New mom is back in shape and back at work
#NamamaskoPo: Angeline Quinto sinorpresa ang dating kapitbahay na nagpapautang ng ulam
#SanaAll: Angeline Quinto pinag-shopping spree ang yaya bilang Christmas gift