Unsa kaha katinuod ang mga nanggawas nga balita nga dili lang diay ang mga higala ni Kim Chiu ang wala makauyon kang Xian Lim, kun di apil na pud ang mga myembro sa iyang pamilya?
Sa episode sa “Cristy Ferminute” niadtong Lunes, December 25, gihisgutan sa kolumnista nga si Cristy Fermin ang issue nga may kalambigitan sa kanhi manag-uyab.
“May source akong nakausap… medyo may kalaliman ang kwento. Matagal na palang hindi pabor ang pamilya ni Kim Chiu dito kay Xian Lim?” sey pa ni Cristy.
Midugang ang kauban ni Cristy nga si Rommel Chika nga duna pud siyay gi tan-aw nga interview diin gipangutana si Xian kun kumusta na ang iyang relasyon sa pamilya ni Kim.
Dugang pa ni Rommel nga makita sa hitsura ni Xian nga mura og galisud siya kun unsaon pagtubag ang maong pangutana.
Bisan gani kuno ang mga taga supporta ni Kim, wala na gyud makauyon kang Xian kay tataw kaayo nga wala kini plano para sa ilang “future.”
Mitubag si Cristy nga dugay na siya nga nakahibaw nga wala makauyon kang Xian ang mga higala ni Kim apan bag-o para kaniya nga hasta diay ang pamilya sa dalaga wala poy gusto sa iyang kanhi uyab.
Niadtong adlaw nga Sabado, Disyembre 23, gipahibaw ni Kim sa publiko ang ilang panagbuwag ni Xian.
Miabot og dose ka tuig ang ilang relasyon.
Apan wala na maghisgot sila si Kim ug Xian kun unsa gyud ang hinungdan sa ilang pagbuwag. Makita usab sa ilang mga hitsura, basi sa ilang mga social media posts, nga mura og dunay tarong nga closure ang ilang relasyon.
RELATED STORIES
Kim Chiu confirms split with Xian Lim: ‘Sometimes love is not enough’
Kim Chiu denies breakup with Xian Lim: ‘Grabe! Kayo talaga’
Xian Lim to Kim Chiu on 32nd birthday: ‘I love you and I’m crazy about you’