James Reid ug Issa Pressman. Image: Instagram/@james
Bisan pa man sa kadaghan sa nahitabo nga panagbuwag sa mga celebrity couples sa 2023, nagpabilin nga lig-on ang relasyon nila ni James Reid ug Issa Pressman nga mura og mas na in love pa sa usag-usa.
Gisugat nila ni James ug Issa ang tuig 2024 sa usa ka intimate celebration sa bag-o nga paminalay ni James.
Adunay mga hulagway sa ilang celebration nga gi-post sa reels sa Instagram page ni James niadtong Enero 2.
“New year, new home,” matud sa iyang caption.
Basi sa mga suga nga makita sa background sa ilang mga hulagway, mura og naa mahimutang sa usa ka posh district sa Makati ang iyang bag-o nga panimalay.
Mi-post usab si Issa sa iyang Instagram og video sa ilang celebration kauban ang caption, “Keep spreading love in 2024. Happy [New Year], you guysss.”
Daghan sa ilang mga celebrity friends ang nakakita sa ilang mga hulagway, mi greet kanila og Happy New Year, ug mi-butang sa ilang comments, apil na ang aktres nga si Liza Soberano ug ang former beauty queen Christy McGarry.
Images: Screengrab from Instagram/@pressmanissa
Managlahi usab ang nahimo nga reaksyon sa mga netizens mahitungod sa padayon nga panag-uban nila ni James ug Issa.
Samtang dunay wala makauyon sa duha, duna poy mga nag-ingon nga hunongon na unta ang mga negative comments batok nila tungod kay mura og “[they] looked happy [together].”
Images: Screengrab from Instagram/@james
Si James mi-angkon sa iyang relasyon kang Issa niadtong Marso 2023 human sila nakit-an nga nag-uban sa Harry Styles “Love on Tour” concert sa Bulacan.
Nakit-an usab sila sa pipila ka public appearances apil na ang Preview Ball, unom ka buwan human sila mi-angkon sa ilang panag-uyab.
Mipahibaw si James nga “very in love” siya kang Issa og iyang gyud nga nauyon ang iyang mga “values in life.”
RELATED STORIES
Have James Reid and Issa Pressman gone Instagram official?
Bashing over James-Issa-Nadine issue causes Yassi anxiety