Enrique Gil
Sa mga fans ni Enrique Gil, walay angay nga ikabalaka.
Dili tinuod ang chika nga nanggawas sa social media nga galisud na ang aktor maong namaligya na kini sa iyang mga personal nga gamit.
Ang maong chismis nagsugod sa dihang gibaligya ni Enrique ang duha ka pre-loved nga sapatos sa shoe collector ug content creator nga si Dane Grospe.
Personal nga mibisita si Enrique sa shop ni Dane para ibaligya ang duha sa iyang mahalon nga mga sapatos – usa ka orange shoes ug ang iyang customized nga Iron Man-inspired nga sapatos.
Matud pa ni Enrique nga iyang gituyo og palit ang iyang Iron Man shoes nga mosiga kun mosayaw siya sa stage aron gamiton sa usa ka dance concert nga gipasundayag sa Araneta Coliseum.
Sa makaduha ka higayon lang kuno niya nagamit ang maong sapatos – atol sa iyang dance concert ug sa usa ka photoshoot.
Dugang sa aktor nga tulo lang ka taw sa tibuok universe, apil na siya, ang dunay ingon ani nga klase sa sapatos.
Matud niya nga nakagasto siya of P750,000 sa iyang sapatos, apil na sa maong kantidad ang shipping fee og extra fee sa iyang pagpa custom paint niini.
Sa vlog nga gi-share ni Dane, gibandera usab ni Enrique nga nagustohan unta sa kanhi NBA player nga si Nate Robinson ug sa Fil-Am rapper ug singer nga si Apl.De.Ap ang maong sapatos apan dili gusto nga mo byahe sa Pilipinas si Nate para lang niini.
Dili usab kuno paigo kang Apl.De.Ap ang iyang Iron Man nga sapatos, sey ni Enrique.
Samtang ang iyang orange nga sapatos naa lang sa iyang cabinet og wala gyud kini magamit ni Enrique kay dili kini paigo niya.
Gipresyohan ni Enrique ang iyang Iron Man-inspired shoes og P1.2 million samtang ang iyang orange shoes iya unta nga ibaligya og P800,000.
Mihangyo si Dane og P1.4 million para sa duha ka sapatos.
Og aron madesisyonan ang ilang negosasyon, nagsabot ang duha nga mag “toss coin” na lang. Kun ulo ang mogawas, mobayad lang si Dane og P1.5 million para sa duha ka sapatos.
Ug mao gyud kini ang nahimo nga basehan sa pagbayad ni Dane og P1.5 million para sa duha ka sapatos ni Enrique.
RELATED STORIES
Enrique Gil denies breakup with Liza Soberano: ‘I love her to death’
Still a Kapamilya: Enrique Gil set for acting comeback after exclusive contract with ABS-CBN
Liza Soberano, Enrique Gil together in recent photo amid split rumors