Nakuha sa Cebuana beauty nga si Chantal Schmidt ang second place sa Miss Eco International pageant nga didto gipahigayon sa Egypt niadtong Abril 28 (Abril 29 sa Pilipinas).
Si Chantal nga usa ka model ug tinon-an sa abogasya, mipadayon sa placement streak sa Pilipinas sa maong pageant human siya makadaug isip first runner-up.
Ang korona sa 2024 edition sa Miss Eco International pageant nakuha ni Angelina Usanova sa Ukraine. Gihulipan ni Angelina si Thanh Ha Nguyen sa Vietnam, ang mananaug sa milabay nga tuig.
READ: Chantal Elise Schmidt joins MUPH to represent Cebu City
Moabot na sa tulo ka higayon nga nakuha sa kandidata sa Pilipinas ang first runner-up sa maong beauty pageant. Ang lain nga mga mananaug sila si Maureen Montagne (2019) ug Kelley Day (2020).
Si Cynthia Thomalla ang unang Filipina nga nakoronahan isip Miss Eco International niadtong 2018. Sunod nga nakuha ni Kathleen Paton ang korona sa 2022.
READ: Cebu City’s Chantal Elise Schmidt tops MUPh ‘Fashion and Runway Challenge’
Walay gipahigayon nga pageant sa 2021 tungod sa Covid-19 pandemic.
Ang kandidata Pilipinas sa 2023 edition nga si Ashley Subijano Montenegro nakasulod usab sa semifinals.
Coronation program
Sa laing bahin, hapit wala makaapil si Chantal sa coronation program sa Miss Eco International 2024 niadtong Abril 28. Pila ka adlaw sa wala pa ang coronation night, nag sige kuno og suka si Chantal ug gani gidala siya ospital.
READ: Chantal Schmidt on National Costume presentation: I hope I made you all proud
Apan dali siya nga naayo og nangandam dayon para sa pageant. Nakuha niya ang “Best in Evening Gown” award atol sa preliminary show ug siya usab ang napili nga “Best in National Costume” atol sa coronation program.
Gipahibaw sa Empire Philippines pinaagi sa usa ka presscon niadtong Pebrero ang pagpili kang Chantal isip representante sa Pilipinas sa maong beauty pageant.
Miss Eco International
Si Chantal ang pinakauna nga Miss Philippines nga mi-compete sa usa ka international pageant.
Ang rayna nga si Angelina mao ang pinaka una nga Ukrainian nga nakadaug sa korona sa Miss Eco International. Siya usab ang mi-representar sa European nation sa 72nd Miss Universe pageant sa El Salvador sa milabay nga tuig kun diin nakauban usab niya si Miss Universe Philippines Michelle Dee.
Lain mananaug sa Miss Eco International 2024 mao sila si Nikita Dani sa Canada (second runner-up), Fabiane Goia sa Brazil (third runner-up, ug Valerie Avril sa Indonesia (fourth runner-up).