PHOTO: Instagram/@zeinab_harake
Kaslon na sunod tuig ang engaged couple nga sila si Zeinab Harake ug Bobby Ray Parks Jr.
Gipahibaw ni Zeinab ang ilang plano sa usa ka interview kauban ang entertainment reporter nga si MJ Felipe.
Inig human sa ilang kasal, isunod dayon nila ang pagpatukod sa ilang dream house.
Atol sa maong interview, gipahibaw usab ni Zeinab nga gipa-customize ni Bobby Ray ang iyang engagement ring sa United States.
LOOK: Zeinab Harake showing her engagement ring. Zeinab revealed that her fiancé Ray Parks had the ring customized and made in the US.
During the interview, Zeinab revealed that wedding will happen next year 2025 and they plan to construct their dream house after the wedding. pic.twitter.com/Np6YKas2D2
— MJ Felipe (@mjfelipe) July 12, 2024
Niadtong Hulyo 7, gibandera sa social media ang mga hulagway nga kuha gikan sa wedding proposal nga gibuhat ni Bobby Ray para kang Zeinab.
Sa usa ka vlog, gipakita usab kun unsa ang pagpangandam nga gibuhat ni Bobby Ray para sa maong wedding proposal.
Makita sa maong vlog nga nangayo una siya og pirmiso gikan sa pamilya ni Zeinab, apil na ang iyang mga ginikanan, igsoon ug mga anak.
READ: Zeinab Harake may bago na nga bang natagpuang pag-ibig?
Sa video makita usab nga ila pang giilad si Zeinab og giingnan nga duna silay tambungan nga party.
Pag-abot nila sa maong lugar, mihatag una si Bobby Ray sa iyang mensahe para kang Zeinab usa pa kini moluhod aron hagdon siya nga magpakasal na.
Sa walay pag duha-duha nag yes gyud dayon si Zeinab ug pareho nga nahimong emosyonal ang duha.
Nasaksihan sa ilang mga pamilya ug suod nga higala ang memorable kaayo nga wedding proposal.
Sa tuig 2022, una nga gipahibaw ni Zeinab nga in a relationship na siya, apan wala pa niya hinganli kun kinsa ang maong lalaki.
