Bobby Ray Parks, Jr. and Zeinab Harake
TAWANG-TAWA pero kinabahan ang mga netizens sa naging pasabog na hirit ni Zeinab Harake sa naging komento ni Bobby Ray Parks, Jr. sa kanyang litrato na kita ang cleavage.
Naloka ang mga social media followers ni Zeinab nang magkulitan at maglambingan sila ng kanyang dyowa sa comments section ng ipinost na litrato ng seksing content creator.
Ibinandera kasi ni Zeinab ang mga photos niya sa Instagram kung saan makikitang nakasuot siya ng off-shoulder na white dress na medyo nasisilip ang kanyang boobs.
Awra kung awra si Zeinab sa halamanan na umani naman ng sandamakmak na likes at comments mula sa netizens, kabilang na nga riyan ang boyfriend niyang si Bobby Ray na nagsabing, “Mine!”
Agad na sagot naman ni Zeinab sa kanya, “Dalawang P ko sayo lang.”
Pero bago pa nga lagyan ng malisya ang kanyang sagot kay Bobby, inunahan na niya ang mga netizens — ang dalawang “P” daw na tinutukoy ni Zeinab ay ang kanyang “puso” at “pasensya.”
Narito naman ang mga nakakalokang comments ng mga netizens sa dalawang “P” ni Zeinab.
“Nakita namin idol si daddy Ray mo ang may P ang may mahaba pasiinsya hehehe.”
“Bigla ko kinabahan sa dalawang P ah haha kahit anu pa meaning Yan kanyang kanya talaga Yan.”
“Natakot ako sa dalawang P mi.”
“Huyy zebby! Hahahahhahahahahhahaha tawang tawa ako!”
“@ray1parks ingatan nyo na huh. more lablab lang po.”
“@zeinab_harake ganyan ba naman kaganda gf mo di ka ba maloloka!”
“Inaatake ako Ng inis ko pero Nung nabasa ko comment ni Mr. Ray1 parks nawala inis ko.”
“Amaccana sa kagandahan ate zeb, lalong maiinlove sayo nya si Pap.”
“After the the black vibe let’s look at mommy’s white vibe.”
Kung matatandaan, umani rin ng napakaraming reaksyon ang pagreregalo ni Zeinab kay Bobby Ray ng isang luxury-luggage bilang “pampalubag-loob” umano matapos ang kanilang tampuhan.
READ MORE:
Jomari Yllana surprises Abby Viduya with marriage proposal in Hong Kong
